الجذع سلطان حياااااااااااك
شاعر واجودي12-Oct-2008, 08:54 PM
سلام الله على الهيلا سلام الله على الأجناب = سلامن يبهج الراضي سلامن يرضي الزعلان
وانا تسجيلي اله اسباب والله يكفي الاسباب = وبعض اسباب تسجيلي تراها منك ياسلطان
سلطان الجـذع12-Oct-2008, 10:02 PM
هلا يامرحبا ترحيب بالاقراب والاجناب = على سبل الوفاء والليلة الميدان ياحميدان
ليا منك بغيت الطيب يصرف لك بدون حساب = وإلامنك بغيت العلم الاخر سيفنا شامان
شاعر واجودي13-Oct-2008, 08:32 PM
عذراً على التأخير
ولاكنك طولت البارح
والله يحييك متى ما جيت
يدوم الك البقاء يالصاحب الي تفتل الاشناب = ولاكن شطرك الأول نقص مارجح الميزان
وانا ماقولك صادق ولاني قايل كذاب = ومن قدملك المعروف لاتجزاه بالجحدان
سلطان الجـذع13-Oct-2008, 09:03 PM
هلا يامرحبا ترحيـب بالاجناب والاقراب :)
معذور يالاجودي ...
تعلمني وانا راسي من الدنيا وأهلها شاب = ترى ماانته مؤهل في حساب الزود والنقصان
عيون البير نعرف جمها مايملي المغراب = وانا وارد على عد الروى ماجيتها ظميان
راع العلطا13-Oct-2008, 09:03 PM
شاعر واجودي×سلطان الجذع
صحت السنتكم
على القوه متابع..
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
