الطارف يلعب مع الثعبان
الثعبان18-Jun-2009, 06:41 PM
السلام ابداه في مرسى عتابه= للرجال اللي لها مني وجيبه
جاكم الثعبان سمه جوف نابه= من يبا الثعبان يقرب للمصيبه
احمد الزايدي18-Jun-2009, 06:59 PM
مرحبا والمرجله وزعت شبابه=والرجــل مامــيزه يكـود طيبه
مـايـخــوفـــنــا تــراه ولانهابه=والمصيبه هينه ماهي صعيبه
حاكم الغنامي18-Jun-2009, 07:29 PM
الله الله
صحت الالسن والقلوووب
متابع
الثعبان18-Jun-2009, 07:51 PM
البقا عداد همال السحابه= ديس صريته وديس احلب حليبه
البلا فالليل ماواحد درابه= كيف ماتخشى مضاريبه عطيبه
ماجد العصيمي18-Jun-2009, 08:02 PM
صح لسانك يالثعبان
صح لسانك يالزايدي
احمد الزايدي18-Jun-2009, 08:09 PM
كل رجل (ن) يبا يقرا كتابه=وأنته اللي تصرها ماهي غريبه
ماكتب للادمي ملزوم صابه=والله يالمكتوب ملزوم يصيبه
الثعبان18-Jun-2009, 08:09 PM
صح بدنك ياالغالي شبل مرجحين الموازين وصحت ابدان الجميع والشاعر حاكم الغنامي ولكم من الثعبان اجمل لدغه اسف اجمل تحيه ههههههههههههههه
احمد الزايدي18-Jun-2009, 08:11 PM
شبل مرجحين الموازين
صح بدنك والله يسلمك
الثعبان18-Jun-2009, 08:23 PM
الكتب ياصاحبي ماهي تشابه= بعضها طيب والاخرى فيه ريبه
المشاكل عودت بين القرابه= كل واحد فاللقا مظهر حضيبه
احمد الزايدي18-Jun-2009, 08:43 PM
ماتشابهه والرجل يلقا حسابه=والله المعبود سبحانه حسيبه
القرابه كـانهم في وسط غابه=القريب اليوم يغدر به قريبه
الثعبان18-Jun-2009, 09:05 PM
من تقرب للمشاكل واعذابه= جاه رميه مايداويها طبيبه
القرابه تهترش مثل الذيابه= والمعادي منسدح يفتل شنيبه
احمد الزايدي18-Jun-2009, 09:27 PM
المشاكل سببت حرب ونشابه=كل موذيي فيه شك وفيه ريبه
فاخر الأيام وأتشوف الغرابه=العـــدو ذااليــوم صاحب تعتزي به
الثعبان18-Jun-2009, 09:38 PM
انت ذرب وتفهم علوم الذرابه= المواذي حط له قبر ونصيبه
الخطيب ادرى بما يحوي خطابه= وكل شعب ينعرف طيره وذيبه
احمد الزايدي18-Jun-2009, 09:54 PM
الصـحـابه ماقـتدينـا بالصحابه=ماعرفـنا لا جهــاد ولاكتيبه
فالقبر تسئل ومطلوب الأجابه=وشي قدمته كتابك ينلقيبه
الثعبان
صح السانك مليون ، وتصبح على خير يالقرم
الثعبان18-Jun-2009, 10:07 PM
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
