ارجوا ابداء ارائكم بكل امانه

عبر البريد اليوم نرسل تحيات ..................... للي لهم عندي معزه كبيره
وعيني تراها هلت اليوم عبرات....................حالة فؤادي في بعادك خطيره
لانك من اهل الطيب واهل المروات .......... واهل الوفا واهل العلوم السطيره
وابشرك ربعي بخير ومسرات.....................وايامنا في بعدك انته عسيره
واخر كلامي اقبل احلا العبارات...................واقبل سلامي ياسليم السريره



ونطلب منكم التقدير بكل صراحه ومصداقيه

حياك الله يامحمد

الوزن لا غبار عليه.

المشكله في الفكره وترابط الابيات كل بيت ماسك خط.

تحياااااتي

الله يجزاك خير
بس كيف نجعلها اكثر ترابط وكيفية بناء فكره
ومنك نتسفيد


شكرا على النقد البناء

حياك الله يامحمد

محاولة طيبة

والشطر الأول من البيت الاخير في ثقل سببه وجود حرف علة بعد حرف عله

الياء وبعده الالف

في كلامي ........اقبل

بخصوص كلام الاخ فهد قصيده ان الابيات لازم يكون هناك تمهيد من بيت الى بيت

يعني اول شي القصيدة هل لها موضوع معين او فكره معينه بنيت عليها القصيدة ولا مجرد ترص ابيات؟؟

اذا كان هناك فكرة معينه يجب ان تضعها في خيالك

ثم تسوى بداية كمدخل للقصيدة

ثم تمهد حتى تجي الغرض المهم في القصيدة اللي بنيت على شانه

ثم تسوى لها ختام وهذه الاشياء تجي مع الممارسة وكثرة الاطلاع والقراءة وكثرة المحاولات مع الاسترشاد من كل من سبقك من الشعراء ومن يفهم في الشعر من حولك وحواليك ...

ايضا هناك امر مهم وهو اختيار مفردات جزله وتركيبها تركيب جزل وسلس

مثلا اهل العلوم السطيره (لك عليه)

في بعدك انته عسيره (ضعف واضح في البيت والسبب ان مفردة (انت ) حشو لافائده منها ووضعت فقط للوزن والا فأن الكاف في بعدك تغني عنها (كمعنى)

الخلاصة القصيدة طيبة لكن عليك ان تراعي وحدة الموضوع واذا اردت الخروج من فكره الى فكره تسوي تمهيد بكم بيت عشان يكون الخروج والدخول مقبول ولا يظهر تشتت في الابيات مثلما ذكر فهد

شكرا لك وفقك الله

انعم الله عليك
وشكرا لك على الفوائد

والله يجزاك خير يا فهد الزهراني

انعم الله عليك
وشكرا لك على الفوائد

والله يجزاك خير يا فهد الزهراني

صح لسانك واعتلا شانك


الى الامام ..


تحياتي لك