اقرب ياسعد حميد ../)()
منصور الثبيتي18-May-2012, 04:31 PM
ياربع من شاف الثبيتي راعي القول الصواب = أيخبره بنّي حضرت وناويٍ جنيته ...!
العام قالوا راح يتبع في مشاهيب السراب = واليوم يادوبه يحرك باللزوم أحصيته ...!
سعد حميد الثبيتي18-May-2012, 04:41 PM
انا حضرت وهات علمك لاتذل ولاتهاب=وانته حضرت ومن حضر يبشر لنجض كيته
يادوب جينا ياالبناخي فوق ميزان الحساب= والطيب اللي حسنته ياالذيب تغلب سيته
عبدالله الازوري18-May-2012, 04:55 PM
صحت الالسسن والقلوب
بدع كاايف ورد وافي وشعار من ثبيت الليل يابني سعد نبى نشوف اصفوفكم
سعد حميد الثبيتي18-May-2012, 04:56 PM
عبد الله الازوري يشرفني مرورك العطر لك تقديري
منصور الثبيتي18-May-2012, 04:57 PM
ترا الحقيقه يالعتيبي مايغشيها الضباب = عان الكريم بنيته لا يغلبك من نيته ....!
ترا العلوم الاوله شفّ نصّها وسط الكتاب = والقصر وافي والنشاما ماتجاهل فيته....!
سعد حميد الثبيتي18-May-2012, 05:09 PM
فرعون لو امن بموسى كان ماجاه العذاب= لكن كابر والغرور ارداه جثه ميته
الطيب سقته ماذخرته يافتى سوق الركاب= لكن ابو عرام يشبه فالطبوع وخيته
مخلد منصورالثبيتي18-May-2012, 05:16 PM
صحت الالسن شعراء مافيكم حيله
وشهادتي فيكما مجروحه
منصور الثبيتي18-May-2012, 05:20 PM
ضاع الغريب وجاته اسباع الغداري والذياب = والا الغريب أن ضاع تومي للعرب طاقيته ...!
وسط القوافل مالقينا جرّتك يابو ذياب = يوم القريب أيحد سيفه ونغدت جنبيته ....!
سعد حميد الثبيتي18-May-2012, 05:20 PM
اتحفتنا بمرورك العطر ياابا فهد لله درك ومانحن الا من تلاميذك اطال الله بقاءك على طاعته لك تقديري واحترامي
سعد حميد الثبيتي18-May-2012, 05:31 PM
صلاة العصر وجبت ياالبناخي نكمل الليله ان شاء الله
سعيد مرزوق العبد18-May-2012, 06:17 PM
صحة السنكم
تقبلو مرور العبد
سعد حميد الثبيتي18-May-2012, 09:08 PM
سعيد العيد بارك الله في مرورك العطر
سعد حميد الثبيتي18-May-2012, 09:22 PM
ماضاع غير اللي ضعيف مامعه مخلب وناب= والا القوي ماروعه داب الشعيب وحيته
رحب بك الرجل الكريم وفكلك ياالذيب باب= سولف وخذ راحتك واترك من يهز عصيته
منصور الثبيتي19-May-2012, 02:51 PM
ماعمر ذيب القايله صاد الغدا بين الشعاب = تكويه شمس القايله وتضيع له ماريته ....!
الرجل رحب مير يلزمه المفطح والشراب = وهذاك يعرف له رجالٍ كنّها دربيته ....!
سعد حميد الثبيتي19-May-2012, 05:00 PM
اسر مساري الذيب لاتقعد تبحوس كالغراب= البحوسه والدنفسه للي بجنب صبيته
قدم عمل تلقى جزى وان مت يالمك التراب= الطايله مانالها منهو يمد يديته
منصور الثبيتي19-May-2012, 05:19 PM
الشف واحد والاوادم من حساب اليا حساب = وبشرك بالطيب ماني مرتجيك شويته ....!
أخاف لاهلت مزون الغيث من غر السحاب = يقتاده الريح المواصل ثم تضيع جزيته ....!
سعد حميد الثبيتي19-May-2012, 07:19 PM
منصور ماقصرت ببض الله وجهك لك تقديري
راشد النفيعي19-May-2012, 07:24 PM
صحت السنتكم شعار ماعليكم كلام
راشد النفيعي19-May-2012, 07:26 PM
والله اني البارح كنت ناويك يالعبد لاكني لقيتك مشغول مع شاعر آخر
لاكن بعد صلاة العشاء ان شاء الله اتفضوا لك
منصور الثبيتي19-May-2012, 07:29 PM
هلا حيااك ياخال ...!
شكرا على قبول الدعوه ...!
تحياتي
فهيد مقعد الرويس19-May-2012, 07:31 PM
صحت الالسن والقلوب
تحيتي وتقديري
عثمان الثبيتي19-May-2012, 10:54 PM
الله الله مصامخ ماهوسهل
منكم واليكم هذا بناخيك
ياستاذ
يقولون الرجال الخال يقعد للبناخي سابع الريعان هههههههههههههههههههههههههه
مبدعين يالاد ثابت
منصور الثبيتي19-May-2012, 11:06 PM
الله الله مصامخ ماهوسهل
منكم واليكم هذا بناخيك
ياستاذ
يقولون الرجال الخال يقعد للبناخي سابع الريعان هههههههههههههههههههههههههه
مبدعين يالاد ثابت
الله يحيييك ...!
مهما يحصل انا طالب عنده ....!
واتعلم منه الشي الكثير ....!
واذا سنحت لي الفرصه ودي بـ قاف معك ((()
المبدع مرورك يالجزل ()
سعد حميد الثبيتي19-May-2012, 11:28 PM
ابو مشعل شاعرقبيلة الغروب اتحفتنا بمرورك العطر واشادتك الهادفه ومانحن الا تلاميذ في مدرسنك الشعريه لك متا كل تقدير واحترام
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
