حلفت من محزمي ماصاحب اللاشي

عضاء منتديات الهيلا
السلام عليكم ورحمة الله وبركاته

ومساكم الله وصبحكم بكل خير وسلامه
بكل اختصار نشارك معكم بهذا القسم
بالمختصره الاتية:
ومجاراه من الشاعر الكبير/ عيد العازمي العتيبي
اليكم المختصره والمجاراه.







حلفت من محزمي ماصاحب اللاشي = اللاش صحبته والله ماتصورها.
مامن وراء صحبته بكره ولا حاشي = والاّ المراجل ترا الطيّب يدورها.
شفي على صحبة اللي يبرد الجاشي = صحبة رجال تنومس من يعاشرها.
عيال عود ٍ لفعل الطيب شواشي = ذريب يمنآ تكرم وجه خاطرها.
اللي لهم بالظفر مسرا ومغباشي = حماية القود باللي في ذخايرها.
شروى الجذع وابن عاصي وابن بلاشي = وامثالهم روس قوم كيف ابا احصرها.
الكل منهم لكسب الطيب حواشي = قوم تراطن على الغبة بواخرها.
اخير من صحبتك ياطاش ماطاشي = يابو وصوف ٍ على كيفك تغيرها.
لو إن الارزاق معك اكياس وخياشي = اشوفها سلعة ٍ خسران تاجرها.
و اخير منها مصاحب عكش الارماشي = لو كان ماني مدورها وسابرها.
واللي يصاحبك لاجل العيش لاعاشي = الرجل لاهان نفسه من يقدرها.




المجاراه من ابو طلال :



مقدم بيوت العصيمي غيث ورشاشي = ضمائر الناس بالحكمة تنورها.
يسرد تجارب شجيع ٍ سوقها ماشي = دليل فاخذ المشوره من مصادرها.
ماصاحب اللاش لو اصاحب الراشي = الراشي اشوى يوردها يصدرها.
خوة ضعيف الجهد في سوق الادباشي = تعرض على واحد يجهل خسايرها.
اتعب على صحبة اللي ماقفه كاشي = اللي لياجات لازم ماتعذرها.
شروى العصيمي وربعن ٍ صيتهم غاشي = يغشى الجزيره من اولها لياخرها.
حزام طيب وفخر فالضيق بطاشي = وقت المواقف تكسرها تجبرها.
عزوة جناب الرفيق ولابهم واشي =قومن على الدين مجبوله سرايرها.

صح لسانك شاعرنا سعود العصمي

وصح لسان الشاعر عيد العازمي

مبدعين الله لايهينكم

تحيتي

صح لسان العصيمي وصح لسان العازمي

كلام جزل يستحق المتابعه والاشاده شكرا

لهذا الابداع والمبدعين

صخ لسانك يابو طايل ولاهنت على الطرح بالمنتدى


واللي يصاحبك لاجل العيش لاعاشي
الرجل لاهان نفسـه مـن يقدرهـا


واقول هذا اللي محببنا فيك والا عيال الناس واجد :)


صحت افكارك

صح لسانك
و
صح لسان ابوطلال

مبدعين لاهنتو

تقبل

مـــروري

مشكور ياسعود وصح لسانك