غارة الحفاه على قحطان

بسم الله الرحمن الرحيم

الحفاه مع قحطان

اغار المهاثله من الحفاه على قبيلة من احد قبائل قحطان بجهة الجنوب , واستطاع المهاثله ان ياخذوا القوم الذين اغارو عليهم بعد معركه داميه , واغتنموا منهم الابل .
وعندما اقفؤ المهاثله, بكسبهم متجهين الى ديارهم, لحق بهم عدد من فرسان قحاطين , يتقدمهم يقال انه عقيدهم او من اشهر فرسان قبيلتهم ينتخي بقوله ( خيال رخوه شوردي ) ويقول ( رخوه معكم يا اهل الركاب ) . ورخوه ذلوله. وكان متقدم بكثير عن ربعه

حول الفارس عبيدالله بن مهيدل المهيثلي ,( الملقب بخو خلدا ), ثم جلس له ولمن معه ثم رماه فارداه قتيلاً , وبقي ربعه ملتمين عليه, والحفاه اتو بما كسبو.

وبهذه المناسبه ل محمد بن تركي المهيثلي قصيده يذكر مافعله عبيدالله اخو خلدا . والقصيده طويله ومنها


لي فاطر(ن) فيها من الذيب شاره ــ ــ اذنين وعيون(ن) سواة المشاهيب

لـيا كـلــت الـغـبرا كــثير الـسباره ــ ــ نـبدي عـلـيها نـايـفات المـراقـيـب

لا طـالـعوا ذود(ن) يـبونـه بـغاره ــ ــ نحذي ونـثني دون بيض الرعابيب

ياشوف عـيني يـوم كـوع يـساره ــ ــ من كف شغموم(ن) يبا هرجة الطيب

ونعم(ن) بخو خلدا على كل شاره ــ ــ ليا كشف الشارب وجات المحاظيب

انـا دخــيل الـبيض قـمـرا وسـاره ــ ــ يعـطـنه الـحبـه مـع اثـر التراحـيب


و محمد بن تركي المهيثلي هو الفارس محمد بن همجاء

********************************

منقول

وتقبلو خالص تحياتي

مشكور ماقصرت

العملاااق اشكرك على المرور المنير

كفوو يالكرمان تسلم يمينك

بيض الله وجهك على هالقصه القصيره وقصيدتها
اثر الاولين مالهم حيله
الحبه مهيب بسيطه تخلي الرجال يقدم على الموت مايفكر فيه
خاصه لصارت راعيت الحبه بنتٍ مزيونه ههههههههههههههههههه
انا لو القى بنت تحبني ماخليت احد ماذبحته هههههههههه

عادات بني عمنا الحفاه والله كفو ثم كفو وماتكفي مفخرة يابني عمنا


بيض الله وجهك اخوي الكرمان على ما اسردت

والف نعم تسلم يد ناقلها