رحيل الثكالى

بديت باسمك ياعظيم الشان غفار الذنوب=يالواحد المعبود وهاب الستر والعافيه
انت الوحيد اللي تعلم الغيب في سر القلوب=ياعالم بسري وماتخفى عليك الخافيه
يارب انا طالبك لاسيرت شمسي للغروب=واجتمعت الاصحاب من حولي وعيني طافيه
عبدك وابن عبدك محمل بالمآسي والعيوب=ياعالم بعيبي وملبسني لبوس/ن ضافيه
اغفر لعبدك مايبي يصبر على النار الشبوب=لوكان ميزانه ويده يوم تعرض خاويه
ياربنا فزعتك لاضاقت بنا كل الدروب=وحشرتنا يوم المحاسب كلنا في زاويه
اغفرلنا وانت الغني عن من قضى عمره لعوب=لاهي ورا الدنيا يحسب افعالنا متساويه
اليا خذا الفايز شهاده وابتلينا بالرسوب=ياويل من يمسي بلا خلان وامه هاويه
وصكو عليه الباب وازدادت همومه والكروب=واضلم عليه القبر واعروقه يبوس وضاميه
من بعد ماضلا يدولج من شمال اليا جنوب=اليوم في قبره مسجا والملابس عاريه
يشيل في حمل/ن ثقيل/ن ماتخلصه الجيوب=مبطي وهو يجمع ذنوب الاوله والتاليه
واقفا عن الدنيا ومايحمل طعام ولاحبوب=الاتراب القبر وعظامه صريم وفانيه

تتتتتتتتتتتتتتت

اللهم استجب ياأرحم الراحمين
شاعرنا راشد صح لسانك ملاااايييين وبيض الله وجهك
وغفر لنا ولك جميع الزلات

تقبل إعجابي لاعـــــــدمنا وجووودك.

اللهم امييين واياك يارب
ابو طارق شرفتني بطلتك وردك الجميييل ياجميييل
صح بدنك حبيب قلبي ولاهنت

الله الله

قصيدة رائعة جداً .. بارك الله فيك .. وصح لسانك

صح بدنك ماجد ولاهنت ع المرور

لايلحقك شك ي بو طارق المعرف والقصيده
باسمي سلطان العتيبي وهذا معرف شقيقي

اللهم امين وصح لساانك .

لايلحقك شك ي بو طارق المعرف والقصيده
باسمي سلطان العتيبي وهذا معرف شقيقي


مالاحقني شك يابعد حيي
رحم الله شقيقك راشد وأسكنه الفردوس الأعلى من الجنة
ولاعـــــــدمنا وجووودك.