مثل ناسٍ محبتهم فضيحه

انا ما ازهم ولا يزهم عليّه = مثل ناسٍ محبتهم فضيحه
أحب اللي سواليفه خفيّه = خفيف الدم ابو نيّه صريحه
ألا يازين ياكبر الخطيّة = تشفقني لياليك المليحه
عليك ابدع لحونٍ سامريّه = معانيها على حبك صحيحه
وانا قلبي معك صبح وعشيّه = و روحي منك ما هي مستريحه
ليا شفتك سقط ما في يديّه = أفز لشوفتك واصعق بصيحه
أموت ان كان ما تنظر إليّه = بنظرة عطف للناس الجريحه
غشاك الملح و زياده شويّه = على فرقاك ما اسمع للنصيحه
عيونك سود حوريه جريّة = وفي جسمك من الريحان ريحه
ألا يا اسمر ترى النيه مطيّة = تبي تكسب على هجري مديحه
تفاجيني بحجه جاهليّه = تدش حمى هواي وتستبيحه
تعديت الحدود وبرت فيّه = ورى نفسك على نفسي شحيحه

خلف بن هذال

تسلم يالغالي على نقلها


تشكر على النقل الموفق والرائع


صح لسان الشاعر الكبير ابو هذال


لك تحياتي

صح السانك والسان خلف بن هذال


تحيااااااااااااااااااااتي

أخوي فيصل المسعودي

الله يسلمك من النار

وشرفنا مرورك

أخوي الدلبحي

صح بدنك

وشرفنا مرورك