الادنا بالادنا والتعدي زريه
بعيـد الهقاوي27-Jun-2006, 09:56 PM
سلام تسليمتن نعدها للرجال=والناس نعرف حسانيها وسياتها
والشاعر اللي يباها فوق روس الجبال=مانمدح القوم لين أنشوف و قفاتها
مرزوق حمدان العتيبي27-Jun-2006, 10:12 PM
....
.
طيب طيب
>>>> قبل مايمشي اجازه يشرفه ان يكون
اخر قاف معك ياسنايدي ..
لاتبعد وصلك العلم :)
ربح السبيعي27-Jun-2006, 10:16 PM
صح لسانك يابعيد الهقاوي
على البدايه الطيبه
ننتضر مرزوق العتيبي
واصلو والصفوف ازهلوها عندي
مرزوق حمدان العتيبي27-Jun-2006, 10:22 PM
يامرحبا يالمسلم عد وبل الخيال = والرجل ماتمشي الا حسب مشهاتها
انته حري ٍ بفعل الطيب في كل حال = يامسندي هاتها حسب الطلب هاتها
مرزوق حمدان العتيبي27-Jun-2006, 10:25 PM
...
.
مرحبا مرحبا ياربح الساعه
المبروكه يوم نرى حضورك ...
..
اخوك ..
ربح السبيعي27-Jun-2006, 10:26 PM
بعيد الهقاوي
سـلام تسليمتـن نعدهـا للـرجـال=والناس نعـرف حسانيهـا وسياتهـا
والشاعر اللي يباها فوق روس الجبال=مانمدح القوم لين أنشوف و قفاتهـا
مرزوق
يامرحبا يالمسلم عد وبـل الخيـال=والرجل ماتمشي الا حسب مشهاتها
انته حري ٍ بفعل الطيب في كل حال=يامسندي هاتها حسب الطلب هاتها
مرزوق حمدان العتيبي27-Jun-2006, 10:28 PM
...
الليل الليل ..
..
وين الصفوف نباها مباشره ...
اذا موافق يابعيد الهقاوي عطني رقم (1) :)
بعيـد الهقاوي27-Jun-2006, 10:29 PM
وين الجمال الاصايل مانشوف الجمال=ولا منول تسير و تنفخ ألهاتها
وأكبر عتبنا على مرزوق قرم العيال=هو ليه مالمها من مجمع أشتاتها
ذياب27-Jun-2006, 10:33 PM
أسر يابو محمد والليل ليلك
والصف صفك
ولا يهون
بعيد الهقاوي
بعيـد الهقاوي27-Jun-2006, 10:36 PM
ربح السبيعي & ذياب
يامرحبا يالغالين
حضوركم شرف لنا
أخوكم
ربح السبيعي27-Jun-2006, 10:41 PM
وين الجمال الاصايل مانشوف الجمال=ولا منول تسيـر و تنفـخ ألهاتهـا
وأكبر عتبنا على مرزوق قرم العيال=هو ليه مالمها من مجمـع أشتاتهـا
ياسلام ياسلام
الليل الليل
مرزوق حمدان العتيبي27-Jun-2006, 10:51 PM
سؤال انا بسأله مثلك ياعذب المقال = يوم ان عينك تشوف الناس وسواتها
مرزوق طبعه يدوّر للعلوم الجزال = لكن بعض العرب ياكبر غلطاتها
مرزوق حمدان العتيبي27-Jun-2006, 10:52 PM
....
.
الشاعر العملاق ذياب ..
وجودك غير عادي يابن العم ..
زدتني شرف ..
.....
بعيـد الهقاوي27-Jun-2006, 11:01 PM
ياهل المناصب ترى ماعاد فيها مجال=الناس ترمي على الكرسي بتهماتها
من لا تحمل رفيقه في حرام وحلال=ولا تضيع العرب و تضيع شيماتها
مرزوق حمدان العتيبي27-Jun-2006, 11:13 PM
اللي رما تهمته ضايع وسيئ خصال = يابعيد خل القضيه في ملفاتها
من لايعينك على درب الوفاء والعدال = وش فايده من وجوده وسط ساحاتها
مرزوق حمدان العتيبي27-Jun-2006, 11:14 PM
...
.
اخي العزيز بعيد الهقاوي..
مشوار لايتعدى نصف ساعه بحول الله وراجع لك .
بعيـد الهقاوي27-Jun-2006, 11:35 PM
ياراعي الموتر اللي ضاع تال الليال=ليته يناظر على الدار و مطباتها
ياناس لا تجحدون الطيب شرق و شمال=الناس تال الدهر كثرت حركاتها
مرزوق حمدان العتيبي27-Jun-2006, 11:50 PM
الموتر اسير في دربه ويقطع رمال = لكن بعض العرب وش لون نياتها ؟
نقد المعاني مثل نقد الذهب والريال = اصرف ذهب واترك الهزله ولفاتها
بعيـد الهقاوي28-Jun-2006, 12:04 AM
موترك هذا نعرفه يا كريم السبال=أمسجل(ن) رقمك الثاني بلوحاتها
البرق يبرق وناظر في صدوق الخيال=لكن ما ياتي العالم بغراتها
مرزوق حمدان العتيبي28-Jun-2006, 12:19 AM
يالله يالله يالوالي عزيز الجلال = ايامنا انك تعدل كل ميلاتها
يابعيد اودعك انا بكره بشد الرحال = للديره اللي ترد الروح نسماتها
...
صح لسانك واعذر اخوك بكره وراه
سفر ... والسفر مايتخاوى هو والسهر ... هههه
تحياتي لك ولكل اللي شرفونا في هالصفحه .
........
بعيـد الهقاوي28-Jun-2006, 12:28 AM
يالله يالله يالوالي عزيز الجلال = ايامنا انك تعدل كل ميلاتها
يابعيد اودعك انا بكره بشد الرحال = للديره اللي ترد الروح نسماتها
...
صح لسانك واعذر اخوك بكره وراه
سفر ... والسفر مايتخاوى هو والسهر ... هههه
تحياتي لك ولكل اللي شرفونا في هالصفحه .
........
الله يستر عليك يابو محمد
تروح وترجع
بالسلامه
وأعذرنا على القصور
أخوك
حجيلان28-Jun-2006, 01:27 AM
الله لايهينكم وصحة السنتكم طاروق رائع ويعطيكم العافيه
الــوآفــي28-Jun-2006, 01:57 AM
من لايعينك على درب الوفاء والعدال000وش فايده من وجوده وسط ساحاتها
الله الله الله الله
كبيــــــــــــــــــــــــــــــــــر يابو محمد
صح لسانك وصح لسان الغالي بعيد الهقاوي
اخوكم
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
