نجمة الصبح ( لبادي الرجم )

يانجمة الصبح خاويني نبا المسرا = اليل طرف وعيني معك سهرانه

في وسط قلبي جروح(ن) خضر متبرا= من سبة اللي سهوم الموت بعيانه

غرون غرير(ن)سوات الجادل العفرا = وان هبت الريح قامت تومي اغصانه

راع الجعود الطوال السبح الشقرا = حبه بوسط الحنايا ثبت اركانه

يازين وشفيك ماترحم ولا تدرا = ليش الهوا يالغضي سكرت بيبانه

واتل قلبي على لاماك يالعذرا =تلت بعيرن يتلونه مع ارسانه

انا وقلبي غدانا في هواك اسرا =دايم وعيني على شوفتك شفقانه

نهيت قلبي عن اللي يعذله وازرا = يقول بكره يجي ويموت شيطانه

...
..

الغالي
بادي الرجم

صح لسانك وعلى شانك
ابيات رائعه ومعبرة
ننتظر الجديد

مودتي

.

...
.

صح لسانك يابادي الرجم
ابداع غير مستغرب
وبما ان القصيده لك وانت احد اعضاء هذا المنتدى
فتم نقلها الى قصائد الاعضاء
....

صح السانك وقلبك ونبضك وبيض الله وجهك ,