12-Jul-2003, 11:11 AM
قصيدة وهي عبارة عن نصيحه لعبدالمعين ، وتحكي عن الفقر والعازه في ايام البادية الاولى ، وكانت القهوه عندهم قليله وغالبا ما يجدونها ، وكان عبدالمعين دائما مجلسه عامر بالضيوف ، وبعد مده سأل زوجته عن القهوة ، فقالت لايوجد الا ثلاث وجبات من بن القهوة ، فقال لابنه وزوجته اجل خلوها يمكن يجينا ظيف او عاني من بعيد ولاتشبوا النار ، حيث كان حريص على الاحتفاظ بالقهوة الباقية لان الناس من اول قليل عندهم البن ويذهبون ليجلبونه من مكان بعيد ولايذهبون الا كل 4 اشهر ، وكان عبدالمعين يذهب لجلبه من عميله باسمبل في مكه ، وكان جماعة عبدالمعين اذا امسى الليل كالعادة اذا شب ضو النار وسمعوا النجر سيروا عليه بدون عزيمه يتسامرون عنده كعادة العرب قديما ، لكن مر اسبوع لم يشب عبدالمعين النار حيث كان يقوم كل ليله بالمسيار عند جماعته حتى لايأتوه خوفا على ماتبقى من القهوة ، وخوفا بأن لايتفشل اذا جاء له ضيف والقهوة قد نفذت ، وبعد اسبوع قال ابنه : ابوي لنا اسبوع ما شبينا الضو وحنا نتقهوى عند فلان وفلان وفلان ، فأحس عبدالمعين بخطأه واعجب بكلام ابنه ، وهاضت نفسه شعرا وقال :
يابدير ما ازين شبت العصر للنار
لمالت الفيه وحار الظلالي
هب البراد وسير الجار للجار
وجات السوالف بين غالي وغالي
سوالف (ن) بين النشاما لها كار
لا مشى الفنجال صفر الدلالي
ربعلهم لاشبت العصر مسيار
ذولا بني عمي وذولا خوالي
وانا على اللي اكلفلها بن وبهار
وانت عليك تقوم وتشبها لي
في بيت قصر(ن) يوم في العشي حار
لابد يوم الغيث سمر الليالي
لابد يومن به القصر ينهار
ولا نموت يصبح القصر خالي
وتبقى لمن يبقى على طول الاعمار
وانا نزل غيري وحل ارتحالي
مرت على غيري تراديد ومرار
لاشك مامرت عليه لحالي
يارب اغفر زلتي وانت غفار
بحسن الجلاله ياعظيم الجلالي
يامن شمل عطفه ولطفه هل الغار
ورست بأمره رواسي الجبالي
ماكل ليل(ن) من ليالي بو سرار
ولاقامت الدنيا بسط وعدالي
يوم(ن) لها اقبالن ويوم(ن) لها دبار
وكم فرقت بين غالي وغالي
ولا اقبلت اشرق زهرها بنوار
رجعن يعله كل يوم(ن) خيالي
ياما قطف جنايها من الاثمار
وياما نشا فيها شبابن وزالي
كم عاش فيها من طويلين الاشبار
قواد الهيجا زحــول الرجالي
اليوم مامنهم على الحزم دوار
هذي منازلهم خلين تلالي
حطولهم فيها عقارات ومدار
في داعسه وعظام اهلها طوالي
ولايا بدير لا تمشى على همش الاخبار
تروح فيها بين شيل وشوالي
وليا جفاك الدار غيره من الدار
ولراكب الديره عراضن طوالي
ولاتشتشير ابشار من لامعه شار
والعد لاترده بليا مــدالي
ولو مال منشوق الفضا كله هذار
سولف ومدلها طويل الحبالي
وانا بخبره حايز(ن) كل الافكار
لاهوب لامكسب ولا راس مالي
والناس توخذ بالفوايه والافكار
وكل (ن) ومايفعل على كل حالي
وهذا وصل الله على سيد الاخيار
على نبي مرسلن بالعدالي
اعداد ما مالت هماليل الامطار
وماهبت الحايه جنوب وشمالي
نرجو ان تحوز هذه النصائح على الاعجاب.
----------------------------------------------------------------
زماننا غير زمانهم وحتى نتذكر الاولين
اخوكم / ابن نجد
يابدير ما ازين شبت العصر للنار
لمالت الفيه وحار الظلالي
هب البراد وسير الجار للجار
وجات السوالف بين غالي وغالي
سوالف (ن) بين النشاما لها كار
لا مشى الفنجال صفر الدلالي
ربعلهم لاشبت العصر مسيار
ذولا بني عمي وذولا خوالي
وانا على اللي اكلفلها بن وبهار
وانت عليك تقوم وتشبها لي
في بيت قصر(ن) يوم في العشي حار
لابد يوم الغيث سمر الليالي
لابد يومن به القصر ينهار
ولا نموت يصبح القصر خالي
وتبقى لمن يبقى على طول الاعمار
وانا نزل غيري وحل ارتحالي
مرت على غيري تراديد ومرار
لاشك مامرت عليه لحالي
يارب اغفر زلتي وانت غفار
بحسن الجلاله ياعظيم الجلالي
يامن شمل عطفه ولطفه هل الغار
ورست بأمره رواسي الجبالي
ماكل ليل(ن) من ليالي بو سرار
ولاقامت الدنيا بسط وعدالي
يوم(ن) لها اقبالن ويوم(ن) لها دبار
وكم فرقت بين غالي وغالي
ولا اقبلت اشرق زهرها بنوار
رجعن يعله كل يوم(ن) خيالي
ياما قطف جنايها من الاثمار
وياما نشا فيها شبابن وزالي
كم عاش فيها من طويلين الاشبار
قواد الهيجا زحــول الرجالي
اليوم مامنهم على الحزم دوار
هذي منازلهم خلين تلالي
حطولهم فيها عقارات ومدار
في داعسه وعظام اهلها طوالي
ولايا بدير لا تمشى على همش الاخبار
تروح فيها بين شيل وشوالي
وليا جفاك الدار غيره من الدار
ولراكب الديره عراضن طوالي
ولاتشتشير ابشار من لامعه شار
والعد لاترده بليا مــدالي
ولو مال منشوق الفضا كله هذار
سولف ومدلها طويل الحبالي
وانا بخبره حايز(ن) كل الافكار
لاهوب لامكسب ولا راس مالي
والناس توخذ بالفوايه والافكار
وكل (ن) ومايفعل على كل حالي
وهذا وصل الله على سيد الاخيار
على نبي مرسلن بالعدالي
اعداد ما مالت هماليل الامطار
وماهبت الحايه جنوب وشمالي
نرجو ان تحوز هذه النصائح على الاعجاب.
----------------------------------------------------------------
زماننا غير زمانهم وحتى نتذكر الاولين
اخوكم / ابن نجد
