الشاعر/احمد العبدالوهاب الخميس

احمد العبدالوهاب الخميس
الشاعر من شعرائ الزلفي من قبيلة الاساعده نشر له النافع بعض القصائد وقال توفي شاباً ولم يذكر شيئاً عن حياته وقد علمت من بعض المصار أنه توفي حوالي 1390هـ


قال :





عزي لمن مثلي جفا النوم عينه=يسهر وقلبه بين الاضلاع يجتال
قلبي من الفرقا تبيح كنينه=فرقا الوليف اللي خياله على البال
القلب طار وصا عنده رهينه =والجسم ينقص كن يبراه سلال
حيل الله اقوى حيل بيني وبينه=ماعاد اطرش به ولا اكز مرسال
وجدي على شوفه ومسكت يمينه=حتى انشده عقب البطا كيف الاحوال
وجدالذي سافر وركب السفينه=فارق بلاده من سبب قلة المال
عن الوطن قزاه فقره ودينه =دينه كثير ولابقى عنده ريال
ثم أنطبع به مركب شاحنينه=ايس ولاله حيله كود يحتال
هذا وجدي والهوى خابرينه =كل يعرف الحب عله وغربال
ياعاذلي عن حب موضي جبينه=كف العذل ما اسمع كلامك ولو طال
ما انا بخبل يصغي لعاذلينه =ورى الهوى مايستمع هرج عذال
والحب سلم للقلوب الفطينه=ماعيروبه من قديمات الاجيال
ماعاب ابن شديد حامي الضغينه=عنتر ليا عدو صناديد الابطال
كثير المشهور وبن الدمينه=وأمثالهم واجد وامنول ومن تال
مثل الوليع المنتسب من جهينه=مسلم اللي طاح من نايف الجال
يوم اعتلى واهوى ركض له خدينه=وادرك عباته وانذهل منه وهتال
وادني رحوله ثم سافر بحينه=اللي سكن معهم فقيده بمنزال
ومن الصدف واجه حبيب القرينه=وبدت له النشده عسى فلان مازال
ثم عطاها العلم زينه وشينه=والدايم الله عمرها زال بالحال
هذا الهوى مفهوم ياجاهلينه=سيف شطير للمحبين قتال
واختامها عدة سحاب وغشينه=وازكى صلاة خير ختم للامثال
على الذي لادين من عقب دينه=شفيعنا يوم المجازى بالاعمال

شعراء عتيبه ص35-36-37

الذي أعرفه أن هذا الشاعر الخميس كان شاعرا مبدعا وهو من الفراهيد أهل الزلفي وله ابن عم شاعر مثله اسمه دحيم الخميس .

سأبحث عن المزيد من شعره وسأنشره هنا

هلا وغلا وجميع ما تم إنزاله من كتاب شعراء عتيبه الجزء الأول

لمحمد بن دخيل الله العصيمي

وحياك الله على المرور

ولك التقدير و الإحترام