الفالح بعد العيد شد حيلك سرى ليلك

مرحبا لو الخوي معاد ياثق في خويه=وانت يالفالح تقلب فالزمان القلباني

من بعدهاذي ترى الذمه من الذمه بريه=اخر الايام يارجال كنك ماتباني

الييييييييل وينك يالفالح



نايف الروقي صح لسانك



لوني ادري ان الفالح ماهو جاي كان ارد عليك على الاقل تعلم من موهبتك ياشاعرنا


تحياتي

البقا بالصاحب اللي كل نيّاته رديّه =يالعتيبي ما يكنّ القلب يبديه اللساني
انت مالك شغله الاّ رايحٍ يمّ الحويّه= رايحٍ يمّ الحويه جاي من يمّ المحاني

نايف الحيد لاهنت طال عمرك

من قديم الوقت مالك لاشداد ولامطيه=واخر الدنيا طمعت الجدي وسهيل اليماني

القضيه طولت وازريت في حل القضيه=مامعك فالامر حيله خلها والعمر فاني

انت جاني منك يا نايف ولد ملحق خطيّه=ليش تهرج في قفايه وانت واحد من خواني
احمد الله ما غدالي لا كثير ولا بليّه=كاسبين الطيب والنوماس من ماض الزماني

نايف الروقي صح لسانك



ابو فلاح صح لسانك

الخطاء ماهو بمني ماتمشيها عليه=من حياتي ماتكلم بالردى فالمودماني

المعاني في نحيه وانت ساري في نحيه=وانت شاعر مار اظنك تاتغر من المعاني

ايه ايه هذا الشغل واللف والدوران اكيد وراه علوم

انا بصفك يانايف

ولا يهون الفالح

العازمي مرورك يسعدنا يالغالي

سارح البال مرحبا

وازهل الفالح

نايف الحيد حياك الله

الابداع وجودك

الشهود اثنين والضيقه على نايف قويّه=لو كذبنا فلان يقول روح انشد فلاني
انت شاعر نظم وتجرّ اللحون السامريه=والمعاني خلّها عند العصيمي والسناني

الشهود اللي معك تبطل شهادتهم شويه=وعرف ان العلم واحد لاتدور علم ثاني

المعاني حاميه ياصاحبي والنار حيه=وانت من بعض السوالف خابرينك ماتداني

كيف تبطل وانت ما جبت العلوم الواقعيّه=اقرب الناس الك يشهد لي ويضمنها ضماني
المواقف لو توردنا على حوض المنيّه=ما نجنّب دام حنّا من طويلين اليماني

حجتك ماهي بحجه وانت ضيعت الحميه=مار يارجال لاتبلش عريبين المجاني

الله انه لايبارك فالجمال الساحليه=ماتشيل احمولها لوسقتها بالخيزراني

آلله آللهّ


آرحمم يآبو ملحقّ: على هوّنكّ : آلفآلح غآلي علينــآّ


هههههه ...



كفوّ يآبو ملحقّ وآلصــف صفــكّ : يآدكتورّ :


..

حياك يالغالي

مرورك يسعدنا

الحقيقه ما انت يا نايف على قدّ الحضيّه=من يمدّ العشر لا تجزاه يا نايف ثماني

انت ما عندك على شيل الثقيله مقدريّه=كلّ ما ثقلت حمولك قلت انا هذا مكاني

انت راعي مار تالي الوقت ضيعت الرعيه=والكلام اللي تقوله في خويك ماخفاني

حظنا طيب وعالي وانت حظك في طميه=لوحداك الوقت يارجال مثلك ماحداني

بصراحه من اجمل الحوارات والملاحم اللي مرت علي

اسلوب راقي وصريح
ومعاني تتعب قلب من يفهمها


ابدعتوا واطربتوا فلا هنتوا