$$$ ياعيد مايصخر قلوب المخاليق

هذه سالفه يالربع جرت بين ميعب ابن مضيان(رحمه الله) وواحد من ربعه

هذا واحد يقاله عيد ابن مانع عنده مره وكل شوي وهي هاجتا عنه عايفته

المهم وابن مضيان يتوجه عليها يرها له المهم في احد المرات قالت لابن مضيان

يابو نواف تراني تقديرا لجهيتك ابا ارجع لاكن ابا ادخل البيت واطلع على شان

مايقال ردة الجاهيه وقال لها ابن مضيان لاوالله يابنتي مبيع النفس هواها

وطلع ولقى عيد يحتريه يبي ا لرد وقال له ابن مضيان لعيد :


ياعيد مايصخر قلوب المخاليق::::::: كود الذي حط الارواح فيها


ياخو وضيحى لاتسد الطواريق:::::::::نفس تبي فراقك لاتبتليها


ماتنفع الجهده بليا توافيق:::::::::::: وانفس ماهي بهواك تهديها



$$وسلامتكم يالربع.

بعد التحيه

تم نقل الموضوع الى قسم قصة وقصيدة

ويعطيك العافيه ..

للتوضيح يا عتيبه تراء ( مره) يعني حرمه

وبارك الله فيك يا شيخ حرب

تسلم يا الحربي ..

الله يعطيك العافية ..

الله يسلمك يالحربي
ويعطيك العافيه على هالسالفه وقصيدتها

قصة وقصيدة رائعة , امتعتنا بها ياشيخ حرب , تسلم والله لايهينك.

$$$حياكم الله$$$


الاخوه الاعزاء حياكم الله وشكرا على تواصلكم

والقادم لايفوتكم ياهواة الشعر

والقصص وعلوم البدو اللي تشرح


الصدر وتوسع الخاطر.

مشكور و حنا بانتطار جديد مشاركاتك