سلام من راسي وانا الحربي عما عين الحسود

سلام من راسي وانا الحربي عما عين الحسود = تاصل لكم ياهل الهوى اللي كل واحد فبلده
الناس قامت تختبط تال الزمن مثل القرود = تمشي ورا اللي شاربه في كل صبحٍ يمرده

الليل لايروح ياشعار

يامرحبابك وانت حربي لانقصت ولا تزود=والي سواتك مارزقه الله ولا احدا يحسده
ذولاك يمكن ناسكم ياحرب عربين الجدود=لكن شوف الشايب الي كبر جدك وانشده

صح لسانك يالحربي
وصح لسانك ياهايل

]صح بدنك ياذيب العوازم
وحياك يابن عاصي ومشكور

اترك كثيرات الامور اللي بها راسك يزود = لاكن شبابه والخناذف للعدو مجنَدة
العقد واحد ياكبير الراس لاتنسى البنود = وانا لياشفتك بهاك الثوب ربي احمده



العدر يالربع بعض الحروف ماتنكتب عندي

يارياجيل علامكم تراكم لحستو مخي صبركم شوي .....

يالعوفي الليل استوى والحبل مثني ومعقود=يالي تشوف النور حاسب لاتشيل الاعمده
مافيه عقد ودولتين وبيننا تفصل حدود=لكن واحد حدر الوادي والاخر سنده

انته كما اللي كل ماشاف المزون ام الرعود = يركض وحظه يحرده يركض وحظه يحرده
خلك على ماقلت لين تصير من بين الزنود = لاكن علمك يالعتيبي وقتها لاتجحده

وتصبحون على خير ياهل الخير

وانته كما الي وثقت كلتا يدينه فالقيود=واصبح مقيد والذلول ام الزهاب مقيده
ياصاحبي طحت ووقعت وطيحتك بين الاسود=والي وقع بين الاسود اكيد حضه ماقرده

ماسرعك يالعوفي تونا بدينا
لكن تصبح على خير ومشكور وسامحنا على القصور
وترى الهدف نبي نعطي المحاوره صيغه حماسيه وانت عزيز وغالي