بدعة ...... وين شعار عتيبة
شاعر هذيل23-Aug-2008, 06:21 AM
ياسلام الله عليكم واسمعوني ياعتيبة
من ضمير اللي تغنى واطربه لحن الاغاني
من ضمير جاه علم وجاه شك وجاه ريبة
و اقسم يشوف الحقيقة ويحتميها بالبياني
عبدالرحمن الهيلوم23-Aug-2008, 06:31 AM
صح السانك يالغالي
وفي انتظار شعار الهيلا
شاعر هذيل23-Aug-2008, 07:33 AM
مافيه احد
وينكم ياعتيبة
لنا لقاء
معجب العتيبي23-Aug-2008, 08:30 AM
مرحبابك يالمسلم والمصايح وش تبيبه=دام جيت اهل المعزه خل صوتك في طماني
القين يسكن
المكان اله احترامه وانت طبيت بمصيبه=كيف يطرب للأغاني واحدٍ حب الاذاني
شاعر هذيل23-Aug-2008, 05:32 PM
مرحبا بك يالمصيبة عد خير وعد طيبة
مير طبيت البحر واحذر يجيلك علم ثاني
الخبر جاني وابوكم ياعتيبة من يجيبة
منهو اللي يحزمه ويوثقه ساس ومباني
معجب العتيبي23-Aug-2008, 07:26 PM
سالفتكم ياجماعه صارت بلحظه غريبه=كيف سلمتوا ورحبتوا ومرت في ثواني
مانعرّف واحدٍ معروف واجداده عريبه=وانت ماتبرابك الذمه على مر الزماني
الباااسل23-Aug-2008, 07:39 PM
مانعرّف واحدٍ معروف واجداده عريبه
وانت ماتبرابك الذمه على مر الزماني
الله الله
متاااابعين
البريماني23-Aug-2008, 11:42 PM
صح الساانكـ يالذيب يامعجب
ويالهذلي الله يعينكـ....
عبدالعزيز بن حويد23-Aug-2008, 11:50 PM
يامعجب
علي الحرام انك كما السيف ابو حدين.............ورجل سواتك لاحضر يعتبر لابه
عبدالله الجـــذع24-Aug-2008, 12:13 AM
الله ...
شعرائنا لاهنتم وصحت الالسن
محراف رائع جدا
محبكم
,
شاعر هذيل24-Aug-2008, 02:09 AM
انشدوا عنا السيوف الصاقلة وخيل رهيبة
وانشدوا عنا الشعر واهل الشعر واهل المعاني
ياعيال الشايب اللي مات ولا حي(ن) دريبه
مير شايبكم نسى قسمه واخذ قسم اليماني
معجب العتيبي24-Aug-2008, 03:10 AM
ان نشدنا ماسمعنا.. وان سمعنا .جات غيبه=والله يحاسب على الكلمه ومسموع الاذاني
ياعسى شيابنا في جنة الخلد الرطيبه=سنّعوا شيبانكم وقت الزمان القلباني
شاعر هذيل24-Aug-2008, 04:07 AM
كل حي يالعتيبي لن رحل يلقى نصيبه
والله يحاسب على السرقه ياهل ذيك المحاني
العرب وقت اللوازم كلن قروشه في جيبه
والعتيبي له سنه يطرد وراء قروش الضماني
شاعر هذيل24-Aug-2008, 09:20 PM
معجب تشرفت بلقائك ويعطيك العافية
ولنا لقاء اخر
ان شاء الله
معجب العتيبي24-Aug-2008, 10:39 PM
صاحبي من يوم غنى والعرب تدري بعيبه=واشهد انه ماتعلم في زمان الامتحاني
يومها بالسيف والميدان والدنيا صعيبه=مالقينك علوم ولا عرفنالك مكاني
اخوي صح لسانك وبدنك
اخذت عهد على نفسي ان لا اتطرق للأمور القبليه الا اذا عرفت منهو الشخص المقابل وكأننا في ميدان محاوره
ولم تكن المحاوره مباشره لضروفي وضروفك
واخشى الحلقه الاخيره ماتطلع هذلي واكون تعرضت للغائبين بشي
فشكرا لك
الشــاهد25-Aug-2008, 01:03 AM
معجب 00
تبقى يابو سلطان في الصفوف الاولى دون الهيلا مدافعا با قتدار 000الله يعطيك العافية يابطل
الهذلي مرحبا في الصرح الشامخ (منتدى الهيلا)
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
