معــــــــــــــــــــــــــجب مطلوب
حاكم الغنامي05-Nov-2008, 09:32 PM
يامعجب الله مايحب اهل الخيانه والنفاق =ولايحب الخصله اللي ماتولع نارها
اهل التقدم والحضاره فلت بنفط العراق =وانته تناقز فالصفوف يمينها ويسارها
علي الثبيتي05-Nov-2008, 09:45 PM
صح لسانك يالغنامي
وننتظر الشاعر معجب العتيبي
وصح لسانه مقدماً
ليل الحافي05-Nov-2008, 09:53 PM
صح لسانك يالغنامي
وننتظر الشاعر معجب العتيبي
وصح لسانه مقدماً
حاكم الغنامي05-Nov-2008, 10:00 PM
النشمي
الحافي
صحت ابدانكم يالغالين منورينا
احترامي
معجب العتيبي05-Nov-2008, 11:23 PM
ياحاكم الله مايحب اهل المشاكل والشقاق=وانا ماحب اللي بدا مهنه ودور غارها
ماتعجب المسلم فعول الفاجر اللي مايطاق=ياواحدٍ مفلس من الثنتين هات اخبارها
حاكم الغنامي06-Nov-2008, 02:51 AM
قم شب نارك والقدر حذرى يجيه الاحتراق= انا لوني منك بعت الروح باردى اسعارها
لاعاد لانفعه ولا فزعه تقول انك معاق =مدري وش اللي مرغبك في دلتك وبهارها
معجب العتيبي06-Nov-2008, 09:43 AM
النار مشبوبه يابن غنّام والدعوا سباق=بس انت قلي وين منزالك على معيارها
المذهب المفسد ترا مايسحق الاعتناق=وانا على مذهب وسنه بينات انوارها
بدر الكريزي06-Nov-2008, 01:06 PM
حاكم الغناااامي ..صح لسااانك ..
معجب العتيبي .. صح لسانك ..
متابع للإبداع ..
معجب العتيبي07-Nov-2008, 03:48 PM
بدر الكريزي
صح بدنك
ومشكوور على ماتخطه اناملك
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
