اتفاقية ســــايس بيكــــو ..........
فواز السعيدي03-Nov-2009, 09:21 PM
الصاطي ,, وش علومك ..:)
دار الزمان وجيت يالصاطي وهات السالفه = كيف انت قايل ؟ وش علومك ؟ مدّ كفّك مدّها !!
العالم المتقدّم تريسه دول متحالفه = مثل اتفاقة سايس وبيكو طلع من قدّها !!
فايز بن سرحان الثبيتي03-Nov-2009, 09:26 PM
العالـم المتـقـدّم تريـسـه دول متحالـفـه
مثل اتفاقة سايس وبيكو طلـع مـن قدّهـا !!
الله اكبر
صح لسانك يابو عايش بدعه غير
و الصاطي صح لسانه
متابعين لكم
سلطان الجـذع03-Nov-2009, 09:27 PM
...
طيب طيب طيب سجلوني متابع :)
فواز السعيدي03-Nov-2009, 09:27 PM
هلا والله يابو سرحان
واللي غير حضورك ياسنايدي
لاهنت ,,
فواز السعيدي03-Nov-2009, 09:28 PM
هلاياسلطان الجذع
لاعدمناك يابعدي
الصاطي,,03-Nov-2009, 09:40 PM
الصاطي ,, وش علومك ..:)
دار الزمان وجيت يالصاطي وهات السالفه = كيف انت قايل ؟ وش علومك ؟ مدّ كفّك مدّها !!
العالم المتقدّم تريسه دول متحالفه = مثل اتفاقة سايس وبيكو طلع من قدّها !!
هلا يافواز ,, علومي زينه يا سنايدي,,
السالفه ياصاحبي بعض العلوم مخالفه= ياللي تحسب ان العرب تهرج وتبدي سدها
الك سنه ونته رفيق العالم المتوالفه= ياطيب عينك يوم قمت تحصها وتعدها
فواز السعيدي03-Nov-2009, 09:49 PM
هههههههههههههه
الله الله
بعض العلوم امخالفه ولا الروابع تالفه = لاجيت اببني لي عماره لاتجي وتهدّها !!
اقلط على الترحيب لاشفت النشاما حالفه = اليوم تعطيها وبكره تزعل وترتدّها !!
نوآف الغنامي03-Nov-2009, 09:56 PM
يا سلام يا سلام يا سلام
صحت السنتكم لين ترضوووون
مبدعيــــــــــــــــــن
متابع للفائده ...
فواز السعيدي03-Nov-2009, 09:59 PM
ارحب ياراعي الصفراء
الله يحييك
مشاري الشيباني03-Nov-2009, 09:59 PM
الله الله الله الله
صحت السنتكم
طاروق كاااااااااايف
شعراء جزلين
فواز السعيدي03-Nov-2009, 10:03 PM
عيد العازمي03-Nov-2009, 10:03 PM
يا سلام يا سلام يا سلام
فواز والصاطي
رجوعكم وتواجدكم مصدر ابداع متجلي للعيان
صحت السنتكم
فواز السعيدي03-Nov-2009, 10:06 PM
هلا بالشاعر العازمي
يالله حيه
لاهنت ياسنايدي
الصاطي,,03-Nov-2009, 10:09 PM
هههههههههههههه
الله الله
بعض العلوم امخالفه ولا الروابع تالفه = لاجيت اببني لي عماره لاتجي وتهدّها !!
اقلط على الترحيب لاشفت النشاما حالفه = اليوم تعطيها وبكره تزعل وترتدّها !!
الله الله
ابلشتني با للام يافوااز,, نبي قاف سريع بدونها,,
عندك عمارة شايفين سطوحها متهايفه= وان كان طاحت تلمس الارض البراح بخدها
سريتها ياصاحبي مسرا الذياب الحايفه= الله يعينك كيف تلحقها وكيف تردها
الصاطي,,03-Nov-2009, 10:12 PM
سلطان الجذع
العازمي
شبل الهيلا
ابن سرحان
مروركم شرف الله لايهينكم
فواز السعيدي03-Nov-2009, 10:19 PM
طيب طيب
وجه الكرامه نالفه واليا انقلب مانالفه = وانته تخيّر في صفوف القوم ولا ضدّها !!
منته بجاهل والدّروب اللي توصّل كالفه = امّا نحل المشكله ولا لعنّا جدّها !!
الصاطي,,03-Nov-2009, 10:26 PM
طيب طيب
وجه الكرامه نالفه واليا انقلب مانالفه = وانته تخيّر في صفوف القوم ولا ضدّها !!
منته بجاهل والدّروب اللي توصّل كالفه = امّا نحل المشكله ولا لعنّا جدّها !!
طيب طيب
ماني صديق للعدو والنور الابيض شايفه= وجرد سيوف الحرب ونت تشيلها وتحدها
وصلت لديره وحصلت العلوم الكايفه=مسكين باللي تسبر الديره ماتاصل حدها
فواز السعيدي03-Nov-2009, 10:36 PM
الله الله
/
روس النشاما يالعتيبي للتحدّي صالفه = ولاّ الضعوف اللي تشاور ودّها ما ودّها !!
حنّا لنا مذهب وسالف من يضيّع سالفه = والمخطي اللي يزهم الفزعه وياقف ندّها !!
صح لسانك يالصاطي ..
اختم
ولنا لقاء
مــــحــــمــــد03-Nov-2009, 11:16 PM
ياسلام ياسلام شعار رائعين
فواز السعيدي صح لسانك
الصاطي صح لسانك يامبدع
عيد بن مرضي03-Nov-2009, 11:25 PM
السعيدي x الصاطي
صح الله ااااااااااااااااااااااااالسنتكم
ااااااااااااااااااااااااابداع لاهنتووووووووووووا
فواز السعيدي04-Nov-2009, 05:36 PM
محمد وعيد
لاهنتو
كل الود والتقدير
,,
