تـــرا اكــثر الســلــمــان ما يحتاج جنـــات النعيــم

حبيب العازمي


ياللي تحدث فالقراء على ثلاثه من سليم
هو من حديث مسليمه والا حديث معاويه
والموت سنه والوعد على الصراط المستقيم
وان كان ما روّحت للجنه تحتك الهاويه



صقر سليم




حنا نحدث فوقكم والله غفّار ٍ رحيم
ان ما تجيكم سارحه والا تجيكم ضاويه
اخر زمن جت من جهتكم وانت صاحبنا القديم
ضعيتها وانا من اول حاسب انك راويه



حبيب



ان كان صادق في كلامك قول والله العظيم
وانته مفلي فالشعابه والذيابه عاويه
عندي نصيحه والنصيحه جات من قلب ٍ سليم
اما اقعدوا فالدايره والا انزووا فالزاويه



صقر سليم



ما انته بقاضي محمكه بلشتنا وانته تهيم
انته ليا شفت الذيابه تنحوي فالحاويه
من حل في وادي الهيام الله يعافيكم يهيم
حنا لقيناكم سواء واموركم متساويه





حبيب


لومك على اللي ما يوصلها ليا العظم الصميم
لاتلتوي في دربنا روح يا مال اللاويه
ترا اكثر السلمان ما يحتاج جنات النعيم
يكفيه يلقى صخرة ٍ مثل المطيه ثاويه


صقر سليم



انته كما اللي يجلبون الدخن عند اهل القصيم
لكن مالك يا حبيب غير نار ٍ شاويه
كانه صدق علمك هذا يمكن يسوقن الحريم
تلقى الاوادم كلها مع خطها متخاويه





حبيب



النار دخن عودها والليل وانفخ يا شريم
انته سوات اللي يبيع المسك يشري جاويه

محاورة قمة بين حبيب وصقر سليم استمتعت بقراءتها بس يالمثالي متى تاريخ هذه المحاورة لاني سمعت معظم حفلات حبيب وهذي جديدة علي


تحياتي لك على ما تقدمة للمنتدى

اولا الله يحييك



ثانيا


تاريخها ما اعرفه بالضبط لكن كانت الحفله في مكه حبيب وصقر ومستور وزيد ..