سجوان الرويس

بسم الله الرحمن الرحيم

السلام عليكم ورحمة الله وبركاته

يا اخواني قريت ابيات بسيطه لشاعر سجوان الرويس في هذا المنتدى من قصيدته المعروفه

وحبيت اوضح لكم ان القصيده فقدة ولا اعتقد فيه احد يعرف غير الي كتب

واذكر في السنوات الي راحت برنامج الباديه على القناه الاولى سال عن

القصيده وحاول ان يجمع شي عنها بس فعلا القصيده فقدة

وسجوان هو من الروسان من ذوي مجري من الفرده واحفاده في الدوادمي

زعل على ربعه وذهب الى الكويت وفي الربيع وهو جالس والارض مربعه

حن لديرته وربعه وطبعا يوم تكون غريب وبين ناس مهم من ربعك

ولا عزوتك بتعاني من الظلم وغيره المهم يوم تذكر ربيع نجد واهله وعزوته قصد هالقصيده والي معروف منها هالابيات

ياحسين خدان القبايل مريفه ** وانا مع الاجناب كاني على نار

الطير بالجنحان محلى رفيفه ** ولاانكسر حدى الجناحين ماطار

يمنى بلا يسرا تراها ضعيفه ** ورجل بلا ربع على الغبن صبار

وحسين قالو ناس انه ولده ولاكن هذا الكلام غير صحيح لانه ماعنده ابناء

غير واحد وهو سعد ومات سجوان وابنه باقي جنين هذا الي عرفته من

جداني الي واحدهم خال سعد والثاني ولد عمه واتمنى اني افدتكم بشي

ولد عتابه رثعت بالقصيده جزاك الله خير في البيت الاول

ياحسين بلدان الجماعه مريفه واللي مع الأجناب كنه علي نار

متيم عتيبه الله يعطيك العافيه

يخوك والله مدري انا رثعت فيها ولا هي تسذا هذا الي سمعته من اهلي وجداني

ويمكن يكون فيه غلط البني ادم مهوب معصوم وانا اخوك ومشكور على التوضيح والي عنده تصحيح ومتاكد منه

يسرده فيذا وجزاه الله خير

يعطيك العافيه والى الأمـــــــــام
ونتمنى لك التوفيق
انت وجميع أعضاء الهيـــــــــــــــــــلا*** منتدى قبيلة عتيبة

الاخ ولدعتابه السلام عليكم انت رثعت في القصيدة والقصة ايضا ارجوا منك التثبت ولك احترامى وتقديرى اخوك العنيد

ولد عتابه


يعطيك العافيه



تحياااااتي

ولد عتابه ماقصرت مع انك ارثعت شوي اتمنا لك التوفيق