مساكم حب

[اسعد الله صباحكم كل طلعه فجر
وكل مايقبل سواد الليل يسعد مساكم

اخوكم الشاعر عيسى الشلاقي الشمري حايل

تقبولو هذه المتواضعه


شمر مقاديم العرب وعتيبه ركون العرب=والكون لو يخلامن الاثنين صارت كارثه
عتيبه وشمر اذا تبي الفعايل والنسب=والمارث المارث وكل الناس يعرف مارثه
يخسى الزمان اللي يقولون اناغدينا به حطب=حنا خلقنا مع بعض واجيالنا متوارثه
حنا لكم وانتم لنا مثل الذهب وانتم ذهب=ويمكن لو نخلي بعض بلكون صارت كارثه

تحيات شاعركم

صح لسانك ياولد الطنايا وبيض الله وجهك

ارحب ارحب تراحيب المطر شرفتنا يالشمري

الله يحييك بين ربعك واخوانك

الشعور متبادل ياشمـر

لكم بقلوبنا مالولد العم

الله يعززك وصح الله لسانك والله يحييني ويحييك ياعيسى

وماخليت لنا وراك شي

اول ابرحب بروحي والظاهر اني هونت عقب هالدرره



مار دام الصدف جمًعت ابتخاشر انا وياك بهالموضوع ولالحقنا شك يابعدي وحنا عندهم كنهم عندنا ومع تجدد صلة العباد مع بارئها خصوصاً في شهره الكريم نبي نجدد الوصل و نتشارك معكم كل ماهو لله رضى ويبيض الوجه من العلم الطيب


الله يعزك ويحيينا

وابقاسمك بهالبدايه الطيبه على هالقاف لو ما نلحقك لكن بسم الله


وزنك ذهب واهب اهب تبت يدا آبو لهب
والله يرضى عن خبيب وزيدن ابن الحارثه

هلا هلابك بي وبك ابك انت ضيف آبو عتب
اللي الى منك نخيته جاك مثل الحارثه


منك العفو والله عفا والتوبه النُصحى تُجب
عن ماسلف او ما بدر من علم طيبن وارثه

وانا ترا عني انا عاقل ولا قل الادب
اما انت ياعيسى تبيًن يلطف الله كارثه

صح السانك

والله يحيك بين اخوانك بابعدي

انتم اهل المنتدى

وحنا ضيوفكم

لاخلا ولا عدم بيض الله وجيكم الجميع الطيب موب غريب على اهله
الف شكر لنا الشرف يابعدي

ياهلابك والف مرحبا