17-Nov-2003, 02:18 PM
السلام عليكم ورحمة الله وبركاته
الراوي :
سعدون الهرس المرشدي قام بإهداء شبكة عتيبه هذه القصيده
القديمه والقيّمه للشاعر مسعود بن سعد بن شبلان العضياني رحمة
الله عليه .................
ونشكر الراوي سعدون للتعاون معنا في الحصول عليها
يقول بن شبلان
لاوالله الاّ فاض زمل ابن صقلان = الزمل فاض وفاضت البل تباريه
تبراله البلها ذخاير فنيسان = كم من عقيدٍ عندها أفخت مراكيه
يفاخت المركي على شهب الالوان = ولايطمع أنّ الخيل زهمٍ تنجّيه
وياميرنا ترجيك عذبات الاوطان = على الرجا عز الولي ثم نرجيه
يرجيك حتى اللي على الديس غرلان = حتى صغيّرنا يفز لطواريه
ويرجيك سيف لك مذاخير جدان = سيفٍ ليا وقّع على الدرع يثنيه
ويرجيك وادٍ سايلٍ عقب ودّان = اليا سمح جاله من الوسم ساقيه
حاميه بدر بسربةٍ تقضي الشان = جمٍّ براسه مايبا حدٍ يقدّيه
خيلٍ تهاقع فوقها جيل فرسان = حاطٍّ لها الصانع قطيعٍ مسّويه
من عولقيات يجيدنّ الاكوان = طريحهن ماله طبيبٍ يداويه
يكسر على أشناقه بجرّات عربان= بشولٍ لزيزوم السرايا تباريه
دار ٍ لها بين الحفيفين مسكان = قبليّة الظلع الحمر والجنب فيه
محدده مارق وقدمه صنيتان = وقدّامهم ذبّاح الاتراك حاميه
مزين تراطنها على جول حيران = بين المحيل وبين ظلعٍ يواليه
يازينها لاشرّعت حم الامتان = تزهى العمود اللي علاها مواريه
وتركي غدى عنّا بعد بيّنه بان = حرٍّ ولد حرٍّ وبانت شواريه
حرٍّ ولد حرٍّ طلع ماله أثمان = طلع على جمعٍ غزير يقدّيه
زيزوم جمعٍ يرجعه وقت الاذان = يمشي على أمره والموامير تتليه
يصبح على دربه من الخيل قطعان = وجيشٍ حفايا نازلاتٍ سماريه
وعيال ناصر مقعدت كل غلطان = ربعٍ على كزّ المجوّخ متاييه
تفرحبهم وأن ثار للعج عتنان = ذياب الطراد ليا تناشت نواشيه
أهل مزاريجٍ يجدّن الاوتان = تروى وعيدان القنا شرّعٍ فيه
منقوله
الراوي :
سعدون الهرس المرشدي قام بإهداء شبكة عتيبه هذه القصيده
القديمه والقيّمه للشاعر مسعود بن سعد بن شبلان العضياني رحمة
الله عليه .................
ونشكر الراوي سعدون للتعاون معنا في الحصول عليها
يقول بن شبلان
لاوالله الاّ فاض زمل ابن صقلان = الزمل فاض وفاضت البل تباريه
تبراله البلها ذخاير فنيسان = كم من عقيدٍ عندها أفخت مراكيه
يفاخت المركي على شهب الالوان = ولايطمع أنّ الخيل زهمٍ تنجّيه
وياميرنا ترجيك عذبات الاوطان = على الرجا عز الولي ثم نرجيه
يرجيك حتى اللي على الديس غرلان = حتى صغيّرنا يفز لطواريه
ويرجيك سيف لك مذاخير جدان = سيفٍ ليا وقّع على الدرع يثنيه
ويرجيك وادٍ سايلٍ عقب ودّان = اليا سمح جاله من الوسم ساقيه
حاميه بدر بسربةٍ تقضي الشان = جمٍّ براسه مايبا حدٍ يقدّيه
خيلٍ تهاقع فوقها جيل فرسان = حاطٍّ لها الصانع قطيعٍ مسّويه
من عولقيات يجيدنّ الاكوان = طريحهن ماله طبيبٍ يداويه
يكسر على أشناقه بجرّات عربان= بشولٍ لزيزوم السرايا تباريه
دار ٍ لها بين الحفيفين مسكان = قبليّة الظلع الحمر والجنب فيه
محدده مارق وقدمه صنيتان = وقدّامهم ذبّاح الاتراك حاميه
مزين تراطنها على جول حيران = بين المحيل وبين ظلعٍ يواليه
يازينها لاشرّعت حم الامتان = تزهى العمود اللي علاها مواريه
وتركي غدى عنّا بعد بيّنه بان = حرٍّ ولد حرٍّ وبانت شواريه
حرٍّ ولد حرٍّ طلع ماله أثمان = طلع على جمعٍ غزير يقدّيه
زيزوم جمعٍ يرجعه وقت الاذان = يمشي على أمره والموامير تتليه
يصبح على دربه من الخيل قطعان = وجيشٍ حفايا نازلاتٍ سماريه
وعيال ناصر مقعدت كل غلطان = ربعٍ على كزّ المجوّخ متاييه
تفرحبهم وأن ثار للعج عتنان = ذياب الطراد ليا تناشت نواشيه
أهل مزاريجٍ يجدّن الاوتان = تروى وعيدان القنا شرّعٍ فيه
منقوله
