قايد الغزلان ..

السلام عليكم ورحمة الله وبركاته







انا بادين بااسم الولي وابدع القيفان=بتصوير ماجاني من الحب ودعوبه
ادور على سمح القبل قايد الغزلان=ادور لبـــدوه والمقاديــــر مكتـــوبه
عسى عدهم يسقيه رب البشر ودان=على شان ينزل في مضاميه نبنوبه
حسينة جمال وزينتن عودها ريان=اذا شافها اللي طارشن ضيع دروبه
تجر الهوا جر المعاويد للشطان=تفذ العيون ومشية الرجل مسحوبة
عليه اشقرن من فوق ردفه كسى الامتان=دقيق المعنق والسراجيف منهوبة
انا البارحه ماامسيت واقلاني الشيطان=اهوجس وكني حارسن ماسكن نوبه
يشادي صديعن هاضته شلة الزيران=اذا جا بيسكن زمرة الشر مروبه
الا يابوراشد مسندي يوم وقتي شان=زبون الردية فالشهاقيق والشوبه
انا ابغيك تفزع لي على موترن بطران=تودي الخبر مني وتاتي بمندوبه
بعيدن على لم المخاليق كون ان كان=يجيبه ولي العرش من عقب مااقفوا به
وابذكر نبيي واطلب الله بالغفران=وابذكر نبيي واطلب الله بالتوبه




وسلامتكم ..

اخوكم: خالد المنصوري ..

صح الساانك يالغالي

مبدع وفالك الطيب

صح ابدنك ياعبدالرحمن الهيلوم وشرفني مرورك

..
.
خالد ماقول غير صح لسانكــ

...

صح الله ابدنك ياخوي مرزوق ولاهنت طال عمرك على مرورك الراقي والمميز ..

صح لسانك ياخالد

وننتظر المزيد

تقبل مروري وتحياتي

صح ابدنك ياعبدالله وابشر ان شااء الله بالمزيد ولاهنت على مرورك ..