الطارف 0000 يقلط
طائر الاشجان19-Jul-2009, 11:52 PM
يامرحبا في محل الطيب الجود = في منتدى الهيلا اصحاب وجماعه
الي على الخط ياشعار موجود = نبا نسولف معه في نص ساعه
مرقاب20-Jul-2009, 12:25 AM
طائر الاشجان
اتشرف بمجاراتك :)
دام البقـا بـك ودام العـز ياعـود=فـي منتدانـا نمـول للصناعـه
اللي سواتي معه شيكات وانقود=وامن العلوم الهزيله لي مانعـه
طائر الاشجان20-Jul-2009, 12:40 AM
هلا وغلا هههه
الشرف لي ياطويل العمر
مافيك ياصاحبي مرقاب منقود = من مدٌ يسراه تكسر له ذراعه
ماصار احد تالي الايام محسود = كلن هبوب الهوا تنفض شراعه
مرقاب20-Jul-2009, 01:09 AM
هلابـك ياطائـر واستلـم طـال
عمـرك لاكـن الله الله فينـا :)
النـاس تطحـن وربـع الطائـر ارقـود=ماحاشهـم لا مضيـم ولا مجاعـه
اهـل الشعـارات مانلقـى بهـم فـود=اكبرهـم اللـي نجـره مـن اكراعـه
طائر الاشجان20-Jul-2009, 01:29 AM
ابك في حالي ادور السلامه هههه
حنا نناطح جيوش ونذبح جنود = والاعزلي مانحوش إله السراعه
اهل الشعارات لو هي تقدح زنود = ماكان راحوا محطات الاذاعه
صيـاّف20-Jul-2009, 01:44 AM
مافيك ياصاحبي مرقاب منقـود
من مدٌ يسراه تكسر له ذراعه
ماصار احد تالي الايام محسود
كلن هبوب الهوا تنفض شراعه
الله الله
ياسلااام ..
صح الله لسانكم جميع !!
وسابرينكم ..
طائر الاشجان20-Jul-2009, 01:48 AM
ياهلا وغلا بصياف
اسفرت وانورت
صح بدنك يشرفنا متابعتك ياطويل العمر
مرقاب20-Jul-2009, 01:55 AM
والله ما يندرى عنك
الله يكفينا شرك :p
انتـه يادوبـك تطيـر ويطرحـك نــود=لا ياخـذك زيـف وقتـك واندفاعــه
لا حـل مرقـاب كل(ن) صـار مطـرود=صبـت الهـدف والهدف صعـب ارتفاعه
رعد الروقي20-Jul-2009, 02:03 AM
الله الله
طائر الاشجان // مرقاب
رائعين
صحت السنتكم
مرقاب20-Jul-2009, 02:08 AM
مرقاب20-Jul-2009, 02:10 AM
العمـده صـح بدنـك ...
والاروع مـرورك
طائر الاشجان20-Jul-2009, 02:22 AM
هههههه
الحمدلله دام السيف محدود = ناخذ ونعطي مع الناس بشجاعه
لا حل مرقاب غنينا على العود = مايوزم الغار تظهر له سباعه
طائر الاشجان20-Jul-2009, 02:23 AM
عمدة الهيلا
ياهلا ومرحبا مليون يالعمده
صح بدنك شرفت ونورت يا شاعرنا
علي خيران العتيبي20-Jul-2009, 02:48 AM
لا حل مرقاب غنينا على العود
مايوزم الغار تظهر له سباعـه
يا سلام
مرقاب // طائر الاشجان
صحت السنتكم
يا مبدعين
واصلو
متابع
:)
مرقاب20-Jul-2009, 02:51 AM
مايوزم الغار تظهر له سباعـه
الله اللهله
مـا يامـن الوقـت فالثنتيـن ياكـود=الخبـل والا الـذي مالـه بضاعـه
انـته رمـاك البخـت واصبحـت مقـرود=لاكـن خلـك مـن اعلـوم اللكاعـه
صيـاّف20-Jul-2009, 02:55 AM
انته يادوبك تطير ويطرحـك نـود=لا ياخذك زيـف وقتـك واندفاعـه
الله الله
شئ جميل / صح الله لسانك !!
طائر الاشجان20-Jul-2009, 03:06 AM
ياهلا وغلا ياعلى ابن خيران
اسفرت وانورت
محلاها من طله على الصبح يالصديق الغالي هذي من حسنات العطله هههه
صح بدنك شرفت ونورت ياطويل العمر
طائر الاشجان20-Jul-2009, 03:06 AM
حنا نعرف الليال البيض والسود = راع الوفا ماتغيرٌ في طباعه
يالي تفحط ضربت في جنب عامود = عندك نظر مار ماعندك براعه
هههههه
اصبحناا يامرقاب
تشرفت بمجاراتك والاستفاده من سعادتكم
صح لسانك ملاين والختام عندك اذا حبيت
والمعذره عن القصور وتصبح على خير
مرقاب20-Jul-2009, 03:09 AM
صـح بدنـك
ولـي الشـرف ياطائـر الاشجـان
وصـح لسانـك يالذيـب
...:)
مرقاب20-Jul-2009, 03:29 AM
علـي خيـران العتيبـي
صـح بدنـك والابـداع
مـرورك....
مرقاب20-Jul-2009, 03:32 AM
صـح بدنـك ياصيـاف
واكرمتنـا فـي مـرورك ...
طلال ناشي20-Jul-2009, 10:09 PM
صحت ألسنتكم والقلووووب
طائر الاشجان /// مرقاب
تقبلا مروري
مرقاب21-Jul-2009, 09:32 PM
الشاعـر طـلال ناشـي
صـح بدنـك ولاهنــــت ....
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
