اهداء الي الامير سلمان بن عبدالعزيز

إهداء إلى سمو الإنسان والمجتمع ..سلمان القيادة والإدارة


من الشاعر العذب:سعد عبدالله الحافي


واللي فرق سلمان عن باقـي النـاس
فرق السماء عن مقفرات الصحـاري

ان القصيـد بسيـد النـاس نومـاس
يـزدان منطوقـه وقافـه يـمـاري

فيـه المعـانـي مستـجـده و دراس
وصايف ٍ ما هي علـى كـل طـاري

سلسات ..عذبات ٍ تعطـر بالانفـاس
ترجـح بميـزان القصيـد الخيـاري

لو يحتويها خـط حبـر ٍ وقرطـاس
نكتب وتكتـب لـه نجـوم ٍسـواري

شبيه أبو تركي علـى كـل مقيـاس
الفعل فعلـه.. والوصايـف مـواري

الحر الأشقر وافي الوصف قرنـاس
عنـده زحازيـح الصتايـم حبـاري

أليا سطـى لا كنـه السيـف عبـاس
واليا عطى نهر ٍ على الناس جـاري

خلقه ربي للفـرج مـن بعـد يـاس
غيـث اليتيـم وقبـلـة ٍ للـوقـاري

تسمى له العليا علـى ويـن مـا داس
نجـم ٍ يقـدي تايهـيـن الـغـداري

لا والله الا نـادر ٍ مـالـه اجـنـاس
من المهـد ساقـوا عليـه البشـاري

الحاكـم العـادل بشـرع و تفـراس
ما كنه الا عـن خفـى السـر داري

المروي اكبـاد ٍ مـن الضيـم يبـاس
القامـع لهومـات روس الضـواري

المطلق ارقـاب ٍ بهـا كـل لـولاس
يوم اشرفت للمـوت فـك الاسـاري

رجل الأدب رجل السياسة ونبـراس
حبيب كل النـاس مـا هـو يـواري

نقاض مـا يفتـل للأمـور سـواس
حلال ما يشكل علـى كـل ضـاري

أما يجي من عـزم ٍ وحـزم ٍوبـاس
والا يجـي حنكـه وخـبـرة إداري

في نجد لو نشبر ضلاعين واطعـاس
نلقى لكفـه كـل منجـز حضـاري

ما علقت فـي صدرهـا در والمـاس
الا بمجـدك يـا رفيـع الـمـذاري

يا الفيصلي ياللـي مراقيـك مـلاس
يا الهيلعي عـوق الخصيـم المثـاري

راس ٍ رسوسه روس تروس الارواس
ترسي الرواسي من رساك وتـداري

ياللي سمكت المجد ساس ٍ على ساس
تسمى لسمـوك ساميـات الشـواري

نشوف في وجهك تباشيـر وارمـاس
خيـر ٍ تساقـاه الوطـن وازدهـاري

يكفيك ربـك شـر حاسـد وخنـاس
يـا ذخرنـا دون السنيـن العـواري

مشاعر ٍ من خاطري مـا لهـا واس
الا محبتـكـم وطـيـب افتـخـاري

الله يعززكـم علـى كـل دســاس
يا أخوان نـوره مبعديـن المحـاري

تحيـــاتي

سلطــــــان المقعـــــار