علي العضياني ورمضان المنتشري وطاروق رائع جدا

رمضان المنتشري=
سلام من هاجسا سوق الغلا سوقه=بسوق الغلا يشتري ويبيع في الغالي
حنا نعز الخوي ونوفي حقوقه=في وقتنا الاولي وبوقتنا الحالي
علي العضياني=
يامرحبا في ضيافة ربعي الروقه=.اللي لهم في سنام المجد منزالي
حنا عرب مانعرف الغدر والبوقه=والعلم هذا يعرفه كل رجالي
رمضان المنتشري=
ياصاحبي ياعلي دنياك ملحوقه=ماتقصف الا على متضايق البالي
اللي رصيده قوي كلمته موثوقه=ماجيتك اضرب على جيبي وهو خالي
علي العضياني=
راعي الجنوب انعرف لحنه وطاروقه=طول الليالي يطق الزير ويلالي
ترى الذهب مامعك مفتاح صندوقه=ياليت في الجيب معك جنيه وريالي
رمضان المنتشري=
ليتك تسافر مع بيده ومعشوقه=واسمع سوالفك يافارس بني هلالي
يابدو لا ترجمون التمر وعذوقه=ان كان كفاك مالك سدني مالي
علي العضياني=
ياراعي الديره اللي من ورى دوقه=ياعنك ماهي بغاية كل خيالي
اللي على الارض يمشي والسماء فوقه=في كل ليله يشوف نجوم وهلالي
رمضان المنتشري=
ياللي تراهن على كرتين محروقه=اكفيك من ديرة الابطال بلحالي
علي صديقي من اول مرتفع ذوقه=الظاهر انه معه بايع ودلالي
علي العضياني=
ياليته يصب سمنه فوق مرقوقه=الكيف محكور والفنجال فنجالي
تسمعوا ياعتيبه ويش منطوقه=الرجل هذا يبا له فال وعقالي

الله الله
صح لسان علي ورمضان
يحضر الابداع بحضور العمالقه،،،،،،،

لاهنت يافهد على النقل...

ابداع من الطرفين

لاهنت يافهد

الله يعطيك العافيه

ابداع من الطرفين شكرا لك

يا سلاااااااااااام

هذه الروعه في الفتل والنقض



علي العضياني
راعي الجنوب انعرف لحنه وطاروقـه **طول الليالـي يطـق الزيـر ويلالـي



رمــضـــان الـمـنـتـشـري
ليتك تسافـر مـعي بيـده ومعشوقـه**واسمع سوالفك يافارس بني هلالـي
(هنا التحدي بدخول علي العضياني لمجال العرضه )




عـــلـــي الـعـضـيـانــي
ياراعي الديره اللي مـن ورى دوقـه**ياعنـك ماهـي بغايـة كـل خيالـي
(وهنا الجمال فالنقض أن العرضه ليست غاية المراد )



صح لسان المنتشري اول محاوره أقرأها له وأعجبني مستواه

وصح لسان ابو فلاح مبدع والمستقبل أمامه كبير


فهد بيض الله وجهك رائع في مواضيعك مشاركاتك

رمضان المنتشري/

اللي رصيده قـوي كلمتـه موثوقـه ماجيتك اضرب على جيبي وهو خالي



هذا بيت المحاورة اللي فيه ابداع .... الباقي كلام جميل موزون ومقفى .

..

فهد الزهراني

..

لاهنت على النقل الجميل

المنتشري شاعر له مكانه وسمعته وصح لسانه

وابوفلاح شاعر يشرفنا بأبداعه بما إنه شاعر مبتدي على الساحه الشعريه

وكل يوم يزيد النجم من لمعانه

إلى الامام يابوفلاح

لاهنت يافهد

..

لله در رمضان ولله در علي .. صحة ألسنتهم على هذا الطاروق الجميل !!

,,

بارك الله فيك ياناقل الموضوع .. ودي وتقديري :) !!

صح السان الشاعرين طاروق رائع

اشكركم احبابي جميعا

ونتمنى التوفيق للأخ علي ...وللأخ رمضان

واعتقد الجميع اتفق على ابداع الشاعرين هنا مع احترامنا للرأي المخالف من احد الاخوان الكرام

تسمعـوا ياعتيبـه ويـش منطوقـه الرجل هذا يبـا لـه فـال وعقالـي


علي العضياني او كما اسماه جمهوره ((( سهم العضيان ))) اشهد بالله انك شاعر محاوره بما تعنيه


الكلمه


رمضان المنتشري ,,,, شاعر جميل ولكن مع احترامي لهذا الشاعر


ليس بحجم علي


ودي ,,,,,,