مجاره بين عيد بن شده ووصل الله العالي

ياليتني في عالية نجد سجيت
في ديرةٍ بين الجحادر وبرقا

غربٍ من الزيدي بذيك السباريت
ومن جفرة الصاقب على الوصف
شرقا

مادوجوا فيها عصير الكواشيت
ولا حرقوا باق النفايات حرقا

يدله بها اللي في ضميره تناهيت
من غايت الوجدان مدروق درقا

ينساح بالي كل ماشفت ووحيت
معزوفةْ الجندب على صوت ورقا

ياما مشيت ابها وياما تحليت
اضعان بدواً تيهوا كل طرقا

بدواً لهم صولات في نجد يابخيت
ويفرقون مولع الحب فرقا

انا اشهد اني في مناهلهم اشفيت
يسرق غلاهم مهجت الروح سرقا

عيد بجاد بن شده


وهذي المجاراه من /
وصل الله بن عجلان العالي



يا عيد سج وسج بي معك لانويت
وأنعش قلوباٍ في هوا البدو غرقا

امشي معك ياللي بشفك تمشيت
واخيل من نو الحيا كل برقا

عديت في راس الطويلة وعديت
ترقا على روس النوايف وانا ارقا

وقمت أتمنى مثل مانته تمنيت
هاضت شجوني وأطرق الباب طرقا

احضر هجوسي وانحت من الصخر بيت
ولا أهاب صعب الدرب لو هو معرقا

ذكرتني مدهال ربعٍ لهم صيت
رماحهها تزرق بها الخصم زرقا

واليوم باقي حيهم يتبع الميت
ما بينهم في موقف العز فرقا

عز الله اني من جفاهم تجافيت
وبيض الورق من دمعة الحبر زرقا

وصل الله العالي

تسلم يابوفهــد وصح لسانك ولسان وصل الله ملاااايييين
صوت وصـــدى رااائعين لله دركم

ياليت تنقلهن عندي هناك لاهنت ولاعـــــدمتك.

لاهنت يابو طارق
وصح بدنك ياغالي