الشاعر : نمر بن صنت الحافي ( قصيده رائعه ) .

مساكم الله بالخير جميعا

هذه قصيده للشاعر : نمر بن صنت الحافي العتيبي موجهه للأمير خالد السديري قرأتها واحببت ان اطلعكم عليها متمنيا ان تحوز على اعجابكم وهي بين ايديكم كالتالي :



يانجمة الصبح كبدي منك مرهوقه = لاشع نورك علينا لاتغيبيني
ستاير القلب من فرقاك مشقوقه = اصبر من العام لين انك ذبحتيني
الود لو نتركه عنا وطاروقه = أظني ارتاح وانتي تستريحيني
لبيك ياللي تجر القلب بعروقه = كله على شان يوم انك تلبيني
تلحني لح ركب عجلوا سوقه = او جل ذود مسريهن شيابيني
عديت عن مبسم المجمول لاذوقه = انا بلاي الحيا وادرا على ديني
وا قلب ياللي من الجازي دنا عوقه = بالله شيروا عليها لاتقاصيني
وان كان قلبي تلبش عنه صندوقه = شدوه لين آتجود فيه بيديني
قالوا معاليق قلبك منه مسروقه = قلنا خذته الضحى والناس واعيني
ياليت ربي ومر (خالد) على شوقه = يفك حبله ولو يعطي ملاييني
الأوله ليت ابو خلي من الروقه = والثانيه ليت ابوي من القحاطيني
يالله ياخالق الدنيا لمخلوقه = تقدر على الموت تذبحني وتحييني
تلم شملي لابد الروح مرفوقه = باربع هناديس في قبري تخاويني

تحيـــــــــــــــــــاتي للجميع

صح لسانك ولا هان الكيبورد
الحفاه معرررروفين بالشعر الله يعطينا مما عطاهم

...
.
اختيار موفق .. يالنويري ..
احسنت الاختيار ..
كل الشكر ...........

النويري

يعطيك العافية

على النقل الموفق

تحياااااااااااتي

النويري


يعطيك العافيه يالغالي


وتشكر على نقل هالرائعه لنا


تحياتي

بن مروي

يعطيك العافية يا النويري وصح لسان اللي قالها

تحيااااااااااااااااااااااااااااااتي

سلاااااااااااااام يا عرب

يعطيك العافيه اخوي على هالاختيار

والشاعر ابدع في تصوير ما في خاطره


اخوكم

ابن سقيان

عديت عن مبسم المجمول لاذوقه=انا بلاي الحيا وادرى على ديني
اخوي النويري بيض الله وجهك ولاهنت


اختيار رائع ونقل موفق

الاخوه الافاضل

زاحف
&
مرزوق العتيبي
&
الفراهيدي
&
فيصل المسعودي
&
بن مروي
&
ابن سقيان التوم
&
ابو ماجد المرشدي

كل الشكر والتقدير لكم على حضوركم وتواصلكم وحسن اطرائكم

مع تمنياتي لكم بالتوفيق والنجاح

تقبلو خالص وارق تحياتي

اخوكم

منصور الشيباني