البارحة قلبي به الهم ضايق,,,,,,

مساء الخير والمسراات

إليكم هذة المتواضعه التي ارجو ان تنال على شياً من رضاكم

وإليكم
,,,,
,,
,


الـبـارحـه قـلـبـي بـــه الـهــم ضــايــق=
وطـرى علـي مـن الهواجـيـس طــارق
والقـلـب مـالـه عــن هــو الـزيـن دارق=
كـنــه عـلــى وده بمـسـمـار مـدقــوق
وإن كــان ونــك يـدعـج الـعـيـن بـايــق=
مسـمـوحـلـك والله ولانـقـبــل الــبــوق
والـمــدرق مـاهــو ســــواة الـمـوايــق=
قلـب المولـع بـيـن سـايـق ومسـيـوق
وقلب المولع فـي هـوى الزيـن شـارق=
وعليـه قلبـي بـيـن الاظــلاع مطـقـوق
وإن كـــان رديـــت التمـاثـيـل عـاشــق=
غيري من العشاق عاشـق ومعشـوق
والــهــم مـابـيــن الـضـمـايـر تـصـافــق=
تصافـق الانسـام فـي داخــل الـسـوق
ود الحـبـيـب يــــودع الـقـلــب عــالــق=
يعـلـق مـحـال الــود فالـقـلـب عـالــوق
حيـث أن قلبـي مـن هـوا الزيـن عايـق=
وياويـل قلـبٍ مـن هـوا الـزيـن معـيـوق
أنـا اشهـد انـه شــوق القـلـب شـايـق=
ولا شفت شكلة في المخاليق مخلوق
يـاواحــدٍ شـفـتـه بـــه الـزيــن رايــــق=
لا كــن دونـــه جـرعــة الـمــوت زاروق
ولانــي ولـــد خـبــلٍ ولانـــي مـنـافـق=
ولانـي علـى بعـض المخاليـق مغـروق
بـعـض الـعـرب دابٍ بــه الـسـم دافــق=
ودلـوه علـى الجيـلان دافــق ومـدفـوق
رزيــن عـقـل وقـلــب شـايــف بـــوارق=
ولا تيـهـه مــزنٍ بـــه الـبــرق لاهـــوق
راع الـهــوا تـطــرق عـلـيـه الــطــوارق=
وفـي كـل يـوم يـدق فالقـلـب طــاروق
قلـب ونضـر مـع عقـل ولـسـان نـاطـق=
ولاخيـر فـي قلـبٍ بـلا لـسـان نـاطـوق
وإن كـــان ماقـلـبـك لقـلـبـي مــفــاوق=
لاتــل قلـبـي يـدعــج الـعـيـن وتـبــوق
ونـــا دخـيـلـك مـــن جـمـيـع الـبـوايـق=
وعليـك قلبـي بيـن الاظـلاع مسـحـوق

..
.
صح لسانك ..
..
وننتظر جديدك ..
.

:)
.

..
.

لاهنت يارشيد وصح لسانك
.

مشكور اخوي ابو نجر على المرور الراائع

ومرورك شرف لنا


ولاهنت

مشكور اخوي العتيبي على المرور

وصح بدنك

ولاهنت