..:: حظ .... المحياني ::..

ياليت حظي ما غدر بي ولا خان = ولا تشمت بي في عز الظهيره
يضحك عليِّه يوم جاني بخذلان = يضحك ورجلي فوق رمضى سعيره
ما جاته الرحمه ولا هوب شفقان = ولا أشتحن يومي بحاله خطيره
شربت غدران القهر شرب ظميان= ولا رواني يوم خلص غديره
حظي لعين وعاسفينه بشيطان = عسف المهار اللي بقصر الأميره
صبرت وأنا منهك وقاضي وتعبان = و أقول ياربي عسى فيه خيره
ولديت له بالعين يوم الغضب بان = و دمي بدت نظرات عينه تثيره
لديت له وبجوفي غبن (ن)وحقران = غبنة كسير (ن) مالقوله جبيره
ثم قلت أبذله وأخليه منهان = وأدرسه درس (ن) يصحي ضميره
قمت أتعزوا وأزهم فلان وفلان = لين أنكشف سري وخلاه بيره
وجتني الليالي جامحه مالها عنان = تصهل وترفع لي سيوف (ن) شطيره
تقول لا دارت دواليب الأزمان = أنا حزامك والفشق والذخيره
وثارت معارك بينهم وسط ميدان = صارت نتيجتها الليالي كسيره
ورحت أزهم الأشعار و أنخى بالألحان = اللي مع الأفكار تبقى سهيره
قالوا ياماجد زبدة الهرج نيشان = حظك خطير ولا قدرنا نديره
أشره وقدم له كثيرات الأثمان = و تلقى فعوله في الليال العسيره
قلت ألا برجي خالق الأنس والجان = عنده مفاتيح السماء والسريره
أما يقوم الحظ ويرقى للأمتان = وإلا يموت وينتهي بي مصيره

صح السانك ياماجد رائعه

شكلها طالعه من قلب الله يوفقك فيما يحبه ويرضاه

المحياني


صح لسانك قصيده جزله وبيض الله وجهك

شامان الاسعدي


صح بدنك ومشكووووووووووووووووووووووور