على الهواء مباشرة يابو طارق.!!!
وصل العطياني؟؟؟07-Dec-2003, 12:59 AM
يابو طارق إقرب دونك القاف لاهنت=نباها كلامٍ مثل ضرب الشباري
نهار الوعد يافالح الراي وين أنت؟!=أدورك ألا مالك مع الناس طاري
تحياااااااااااااااااااااتي.
صنيتان قرداحي07-Dec-2003, 01:16 AM
سر الليل يا سااااري
عاشوووووو
وصل؟ بدون تعليق.. >> لابد ان تحلق في فضاء الابدااع تحليق
تنبيه!
وصل العطياني .عندك خرق واضح لميثاق المنتدى .
(مذار الهبايب ) يحتج
ابو طارق07-Dec-2003, 01:18 AM
سرا الليل مافالمنتدى غير انا وانت # ما يسري الليال الا السباع الضواري
نهار الوعد كنا لكن انت وين كنت # سرينا مثل مسرى الذياب السواري
وصل العطياني؟؟؟07-Dec-2003, 01:27 AM
ماندري تغيب بعذر وإلاّ تهاونت=ماني قايل إنك خفت ذيب الغداري
وانا فاللزوم اللازمة ماتماهنت=لكن أنت مطري لك كثير الطواري
تحيااااااااااتي.
ابو طارق07-Dec-2003, 01:33 AM
استلم لاهنت
لياقلت كلمه طيبه قالــواحـسنـت$$ وندري وبن مشهورخابروداري
وانا ياوصل عقلي معي ماتجننت$$ وللعب مع الي يلعبون الاتاري
وصل العطياني؟؟؟07-Dec-2003, 01:37 AM
كاتب الرسالة الأصلية صنيتان قرداحي
سر الليل يا سااااري
عاشوووووو
وصل؟ بدون تعليق.. >> لابد ان تحلق في فضاء الابدااع تحليق
تنبيه!
وصل العطياني .عندك خرق واضح لميثاق المنتدى .
(مذار الهبايب ) يحتج
مذار الهبايب :
حقه على العين والرأس...
والشرط في القسم موضح وهو أن الإمتحانات والدراسة لها دور في ذلك..
لذلك أنا لا أحاور إلا إذا كان هناك تنسيق مسبق...
فأنت تعرف أن الدراسة تقدم على المحاورة..
أرجوا أن تكون وضحت النقطة..
تحيااااااااااااااااااااتي.
وصل العطياني؟؟؟07-Dec-2003, 01:59 AM
ههههههههههههه
ليا عمست الإرياء .. لو إنك تحصنت=أجيبك لأجيبك لو هجوم إنتحاري!!
أنا أخبرك صاحي مير أشوفك تفرعنت=بعد كنت أعلمك السّلوب الإداري!
ابو طارق07-Dec-2003, 02:19 AM
استلم لاهنت
اشوفك مع الحزب المعارض تعاونت $$ تهجـم عـلـيـه تحسبني بخاري
اناماتملعن لـين اشوفـك تـملعـنـت $$ وبعدين تعرف كل شري وخاري
وصل العطياني؟؟؟07-Dec-2003, 02:36 AM
ليا وصلت لقدح الزَنَد ما تحنحنت=أحطك على يمناي منته يساري
وترى الملعنة ماتنوجد غير فـالبنت=لاهي لك ولاهي لي .. لغارك وغاري!!
:):)
تحياااااااااااااااااااااااتي.
ابو طارق07-Dec-2003, 03:20 AM
اناباشت السلطان وانته تسلطنت $$ تباها رضى والاتباهاجباري
انااحلف يمين الله لونك تـمـكـنت $$ لتذهب حمام المملكه والحباري
وصل العطياني؟؟؟07-Dec-2003, 03:27 AM
بيّض الله وجهك يابوطارق...
وأعذرنا على التقصير...
كما أني أشكر لك تجاوبك...
والشكر موصول للأخ صنيتان قرداحي والإخوة المتابعين من خلف الشاشة..
وتصبحون على خير...
تحيااااااااااااااااااااااااااتي.
طلال الثعلي09-Dec-2003, 11:10 PM
وصل العطياني
كفو يابو مشهور
تحياتي..
طلال الثعلي09-Dec-2003, 11:13 PM
ابو طارق
بيض الله وجهك
ياقرم
تحياتي..
بعيـد المرامع09-Dec-2003, 11:31 PM
الدواهي ...
وصل العطياني ... وابوطارق ..
بيض الله وجيهكم .. ولاهنتوااا
المراقب بيك
بعيد المرامع|4|
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
