أقرب شاعر يقلط

مساكم الله بالخير جميعاً




سلامي سلاماً لا هل الشعر مهديه=سلاماً حلو مثل القراح الزلالـي
زمنّا هذا المجنون كـلاّ يزكّيـه=قلط مع رجالاً يشربون الدلالـي

الله الله...


صح لسانك...



وفي انتظار قبيلك...

مرحبابك ياعبدالعزيز


وفي الإنتظار

الله يمسيك بالنور



هلا مرحبا باللي نعزه ونغليه = هلابك عدد ماطاح نو الخيالي

زمنّا نعيبه بس ياصاحبي ليه = ترى العيب فينا من قديم ٍ وتالي

يدوم البقا والوقت مانيب مطريه = بلانا من اللي صار تال الليالي
لا صار الذهب كلاً يبيعه ويشريه = ماظنّك تبى تلقاه فالسوق غالي

ترى الآدمي يركض وراها وتغريه = ولو كان بان ابها الحلا والدلالي

لا صار الفتى عارف وحافظ مباديه = يسوقه ضميره في دروب الحلالي

اقول الجبل كايد وتصعب مراقيه = ماهو سهل ياللي تقربون الجبالي
أبوزيد محدن في زمانه يحاليه = وذا الوقت كلاً صار مثل الهلالي

وانا اقول جعل الله يحفظه ويحميه = ولا ضرّته نطحة قرون الغزالي

كثير الغرايب لاتزيد المشاريه = وخلك على ماقيل رجل ٍ مثالي

الله الله


طاروق مميّز




بتميّز شعراه



صحّت الالسن والقلوب



تحيّاتي

علي فلاح


نسعد بمتابعتك

لا والله مع الايام بانت خوافيه = بعد جوه قوماً من جنوب وشمالي
لكّن البلا اللي ناظره مايقدّيه = تخبّط ومشيه بين ميل وعدالي

على كل حال الوضع ماني بمخفيه = بعد ما اختلف ياذيب سعر الريالي

ومن لايقديه النظر ويش معميه = يبقق عيونه مير ياهملالي

لكّن العتب ياصاحبي لو اببديه = وصل من لهم مقدار بين الرجالي
يحطّون رجّالاً قريبه حراويه = مثل من رقا بالمرجله كل عالي

إذا كنت بتدقق على ذي وهاذيه = تبي تتعب وترجع من العقل خالي

تمسّك بدين ٍ ماتفكك عراويه = وتسلم وتسلم من كثير الجدالي

أخوي الباسل صح لسانك وماقصرت ( دائما " ) مبدع

في كل مكان

تقبل تحياتي

شكراً لك عبدالرزاق

ماقصرت وتحياتي لك

ابداع
؛؛
الباسل
؛؛
القشعمي
؛؛
صح لسانكم جميعا

°ˆ~*¤®§(*§*)§®¤*~ˆ°صح الله السنتكم و متعتونا صراحه .....°ˆ~*¤®§(*§*)§®¤*~ˆ°