ياسعد من ربعي له افزوع واعوان

بسم الله الرحمن الرحيم

السلام عليكم ورحمة الله وبركاته بعد الانقطاع الطويل اعود أليكم
اولا اشكر كل من وقف معي سوا بالدعم المادي او بالتصويت بالجوال
اقولهم الله يبيض وجيهكم ولاهي بغريبه عليكم وليس بغريب عليكم هذا
الوفا والمسانده الصادقه
أقل ما اقدمه لكم ولو اكتب فيكم لن احصي مابقلبي لكم



تقبلو من هذه المتواضعه



عز الله إن الكل ذربين الأيمان=ما قصروا من يحتمون التوالي
قاموا مقامن ماتعادله الأثمان=والرأس من مقام الأبطال طالي
حتى قليل المال ماقال فقران=يوم احتمى الميقاف داس الريالي
ما ألحق جزاء اللي شانهم عندنا شان=مقدارهم بين النجوم العوالي
أقول شوفوا فعلهم بينكم بان=ياأهل النظر ياللي تبون المعالي
رجلن بليا ربع لاشك ينهان=يقولها اللي ذاق مرن وحالي
وربعي عتيبة للعلا دوم عنوان=زبن الدخيل اللي من الهم جالي
ذباحة الحايل معازيب ضيفان=لطامة العايل بليا جدالي
خويهم لامن وجه الزمن شان=كن الزمن عليه ماقط مالي
ياسعد من ربعي له افزوع وأعوان=أنا أشهدنه طاب فاله وفالي


وسلامتكم

ابو غازي

كنت مبدع بما تحمل الكلمه من معنى


بيضت وجهك ووجه قبيلتك



لم تخسر شي فقد اثبت انك خير من يكون هناك


كبرت في قلوبنا



صح لسانك



والله يوفقك

الاخ العزيز معجب العتيبي





وجهك ابيض يالغالي




لاهنت والابداع تواجدك ووقفة عتابه معي من المرحله الاولى





إلى المرحله الاخيره بيرق لحالها








والخساير فالاعمار






والحمدلله على كل حال خيره






وصح بدنك....




والبيرق معروف كويتي هاجري:)

...
.
صح لسانكـ يابو غازي

شاركت وابدعت ....
بيض الله وجهك ... وخيرها في غيرها وانا اخوكـــ
...

صح لسانك

يامحمد غازي النخيش

وبيض الله وجهك وصلت لمراحل متقدمه من البرنامج وبلا شك انك حققت مالم يستطع غيرك تحقيقه



تحيتي لك

صح لساك يا ابن العم

وتستاهل كل خير صدقني

رغم حداثة تجربتك وصغر سنك

الا إنك استطعت أن تحقق الشيء الكثير وأستطعت أن تختصر مسافة طويلة كانت أمامك

المشوار باقي قدامك يامحمد وأنا متأكد إنك قادر على تحقيق الكثير في المستقبل

أتمنى لك كل التوفيق من قلبي

ودمت بخير ياغالي

تحياتي

صح لسانك وبيض الله وجهك

أبو حمدان




صح بدنك




ووجهك أبيض




ولاهنت على مرورك....

صح بدنك



يابن سرجان




ووجهك ابيض والحمدلله على كل حال




ولاهنت على الاطراء

ابن العم فيصل المسعودي




صح بدنك ولاهنت على الاطراء الجميل الذي اعتبره وسام على صدري





لاهنت لاهنت مرورك يزيدنا شرف

الاخ والشاعر القدير



محمد غازي النخيش



قصيده جزله الى مالانهايه



صح والله لسانك


على السبك والحبك


ولك خالص تحياتي وتقديري

صـح لسانك يامحمد النخيش وافي ولابك قصور بيضت وجيهنا بحضورك الراقي وشعرك الذي حوى الابداع . وكما قلت البيرق كويتي ورغم ذلك نافسته بقوة الله يوفقك وامامك المستقبل الباهر بإذن الله . تقبل مروري المتواضع .

صح لسانك وبيض الله وجهك ..

- شاعر القلطة :- محمد النخيش وفقه الله ، عذراً أخي الكريم ، فلم أشرف بملاقاة

إبداعك إلا في قلطة الوطن ، فوجدتك نعم الشاعر و المستقبل المشرق أمامك بإذن الله تعالى ،

و كم تمنيت أن تلقي الرائعة هذه و تحضر ورقة على سبيل الاحتياط ، كذلك نطمع في كرمك أن

تكون أكثر تبسماً و حبروراً في البرنامج و غيره و عذرا .

صح الله لسانك

ومشكور على التمثيل الطيّب

وسامحنا على القصور طال عمرك

مبدع يابو غااازي





صح لسااااننك

صح لسانك يا بو غازي

وعز الله انك جملت ربعك

ووصولك لمرحله متقدمه من البرنامج بحد ذاتهااا فخر وكفيت ووفيت

يابو غازي

وبالتوفيق يا ذيب

تحيتي

ابدعت ياابوغازي

صح السانك مدد بلا عدد

تمنياتنا لك بالتوفيق


أخوك..أبو مرحبا

محمد غازي النخيش

صح لسانك وبيض الله وجهك

بسم الله الرحمن الرحيم

السلام عليكم ورحمة الله وبركاته بعد الانقطاع الطويل اعود أليكم
اولا اشكر كل من وقف معي سوا بالدعم المادي او بالتصويت بالجوال
اقولهم الله يبيض وجيهكم ولاهي بغريبه عليكم وليس بغريب عليكم هذا
الوفا والمسانده الصادقه
أقل ما اقدمه لكم ولو اكتب فيكم لن احصي مابقلبي لكم



تقبلو من هذه المتواضعه



عز الله إن الكل ذربين الأيمان=ما قصروا من يحتمون التوالي
قاموا مقامن ماتعادله الأثمان=والرأس من مقام الأبطال طالي
حتى قليل المال ماقال فقران=يوم احتمى الميقاف داس الريالي
ما ألحق جزاء اللي شانهم عندنا شان=مقدارهم بين النجوم العوالي
أقول شوفوا فعلهم بينكم بان=ياأهل النظر ياللي تبون المعالي
رجلن بليا ربع لاشك ينهان=يقولها اللي ذاق مرن وحالي
وربعي عتيبة للعلا دوم عنوان=زبن الدخيل اللي من الهم جالي
ذباحة الحايل معازيب ضيفان=لطامة العايل بليا جدالي
خويهم لامن وجه الزمن شان=كن الزمن عليه ماقط مالي
ياسعد من ربعي له افزوع وأعوان=أنا أشهدنه طاب فاله وفالي


وسلامتكم


الشاعر / محمد غازي النخيش وسبعة انعام بك و بعتيبه انا اشهد انك جملت ربعك وبلدك و جميع من يعشق فن القلطه و انا كشاعر من اشد المتابعين و المعجبين بشعر و شاعرية محمد غازي النخيش
تقبل مروري يالغالي وشكرا

محمد غازي النخيش



صح لساااااااانك


وتستاهل الدعم والعلوم الطيبة