الليله الليله المعنى سواة الطير فوق الجريد ..!1
مرجح الميزان26-Nov-2009, 08:40 PM
إن سمح وقتك يا فواز :)
..
يا مرحبا يا هلا بك يالسعيدي جعل عيدك سعيد=رديةٍ من ضميري يوم شفتك قمت أغني بها
الليله الليله المعنى سواة الطير فوق الجريد ..!=وادنى هبوبٍ تهب الطير يا فواز يدريبها
فايز بن سرحان الثبيتي26-Nov-2009, 08:44 PM
الله الله
ياسلام
صح لسانك يامرجح الميزان
وصح لسان السعيدي
مرجح الميزان26-Nov-2009, 08:45 PM
مرحبا يا مشرفنا الموقر .. :)
فواز السعيدي26-Nov-2009, 08:48 PM
يسمح عشانك بس:):)
الله يبقيك ويسلمك ياذيبان في كل عيد = وانته ياعبد العزيز الوافيه تحرز وتحريبها !!
اسمح لي انقدك في كلمتك بلكنّك بعدها تهيد = الهرجه الطايره ماحبّها واموت ماجيبها !!
فواز السعيدي26-Nov-2009, 08:49 PM
صح بدنك يابو سرحان
لاهنت يا سنايدي
مرجح الميزان26-Nov-2009, 09:00 PM
تشكراااتي .. استلممم :)
..
أنته برايك وكل"ن" معه فالميقاف رايٍ سديد=يا طيبها كلمة المعروف يا فواز ياا طيبهاا
البارحه والبدو كلن يسامر فزعته بالنشيد .!=شفناك تلمس لسان الحيه اللي حكت جنيبها
نوآف الغنامي26-Nov-2009, 09:04 PM
الله الله
صحت السنتكم
مرجح الميزان & فواز السعيدي
مبدعين
مبدعين
وااااصلوا
متااااااااااااااابع
,,,
مرجح الميزان26-Nov-2009, 09:06 PM
هلا بك يا خيال الصفرا والابداع تواجدك .. :)
فواز السعيدي26-Nov-2009, 09:09 PM
الله الله
..
وانته تلطّمت عن ربعك وخلّيت المواقف بعيد = وش عذرك من الليال السّود لامنّه عوى ذيبها !!
الملعبه ساحة مقابس لجيشٍ محتزم بالقصيد = لو كان بعض المعارك ياوسيع العرف ماليبها !!
فواز السعيدي26-Nov-2009, 09:10 PM
خيال الصفراء
يالله حيه يالله حيه
نورتنا ومن العايدين ,,
مرجح الميزان26-Nov-2009, 09:25 PM
..
الله الله
ما ظنتي في جبال طويق لو عاينت قطعة جليد=تدريبها والعوارف يا عميل الخير تسري بهاا
اتقولها مار يا طير الفضا من عقب ما أنته تصيد = صادك صبيٍ يشيل اللي تحدحد عن مضاريبها
علي الثبيتي26-Nov-2009, 09:26 PM
فواز >>>>>>الهرجه الطايره ماحبّها واموت ماجيبهـا !! صح لسانك
مرجح الميزان >>>>>>شفناك تلمس لسان الحيه اللي حكت جنيبها !!ءء صح لسانك
مازن الشيباني26-Nov-2009, 09:27 PM
ابداااااااااااع x ابدااااااااااااااع
صحت السنتكم
متابعين
مرجح الميزان26-Nov-2009, 09:28 PM
مرجح الميزان26-Nov-2009, 09:33 PM
فواز السعيدي26-Nov-2009, 09:35 PM
الله الله
,,
انزع قناع الخجل واظهر لنا لن كان عظمك حديد = حنا ترى مانخاطب قوم مختلفه هناديبها !!
الليله العيد وانا يالمقاطي جبت ثوبٍ جديد = وثيابي البارح اغسلها وتقعد في دواليبها !!
فواز السعيدي26-Nov-2009, 09:39 PM
النشمي الابداع تواجد اسمك ياسنايدي
لاهنت
...
فواز السعيدي26-Nov-2009, 09:40 PM
مازن ارحب ارحب يابعدي
لاهنت
سلطان بن دحيم26-Nov-2009, 09:42 PM
الله الله
طاروق عال العال
صحة السنتكم
تحياتي
فواز السعيدي26-Nov-2009, 09:47 PM
ارحب ياسلطان
صح بدنك يابعدي
لاهنت
مرجح الميزان26-Nov-2009, 09:50 PM
..
الله الله
يكفيك رسمي وقسمي مع رجال العرف ما هو زهيد=من عشق ليلى ..! وليلى خايلتني عن خطاطيبها .!
إن كان وإنك تلبس فالجدايد ما بقى ألا الفريد=عقدٍ هدية غلا فالملعبه دايم تماري بها
ابو لمار26-Nov-2009, 09:53 PM
هههههههههههه
طيب 00 طيب
مرجح الميزان
فواز السعيدي
صحت السنتكم وقلوبكم
مبدعين مافيها كلاااااام
واصلوااااااااا
متاااااابع
مرجح الميزان26-Nov-2009, 09:54 PM
صح لسانك يا فواز .. أشكر لك اتاحة الفرصه والختام عندك ..
تحياااتي .. :)
مرجح الميزان26-Nov-2009, 09:55 PM
أررررررررررررحب يابو لمار .. الابداع تواجدك العذب .. :)
فواز السعيدي26-Nov-2009, 10:01 PM
/
/
/
..
طيب طيب
..
ميزانك اللي تقوله مارجح لكن حاول تزيد = ادوختنا بالعلوم اللي على بالك تثاريبها !!
والله لتبطي مع اهل المعرفه ( مسطول ولاّ بليد)= ياللي تحرث العلوم اللي علاك يزين تركيبها !!
فواز السعيدي26-Nov-2009, 10:03 PM
ارحب يابو لمااااااااااار
لاهنت ياسنايدي
...\
الشاعر / مرحج الميزان صح بدنك ولسانك وفكرك
االى اللقااااااء
علي الثبيتي26-Nov-2009, 10:11 PM
بيض الله وجيهكم ابدعتو واستمتعنى بطاروق رائع
رفيع المنزل27-Nov-2009, 09:02 PM
مرجح الميزان
فواز السعيدي
مبدعان ومحاورة جميلة
صحت السنتكم
مرجح الميزان28-Nov-2009, 11:38 AM
النشمي ورفيع الله لا يهينكم ..
سعود العصيمي30-Nov-2009, 10:17 PM
مرجح الميزان =
يا مرحبا يا هلا بك يالسعيدي جعل عيدك سعيد=رديةٍ من ضميري يوم شفتك قمت أغني بهـا
الليله الليله المعنى سواة الطير فوق الجريد ..!=وادنى هبوبٍ تهب الطير يـا فـواز يدريبهـا
فواز السعيدي =
الله يبقيك ويسلمك ياذيبان فـي كـل عيـد=وانته ياعبد العزيز الوافيه تحرز وتحريبها !!
اسمح لي انقدك في كلمتك بلكنّك بعدها تهيـد=الهرجه الطايره ماحبّها واموت ماجيبهـا !!
مرجح الميزان =
أنته برايك وكل"ن" معه فالميقاف رايٍ سديد=يا طيبها كلمة المعروف يا فواز ياا طيبهـاا
البارحه والبدو كلن يسامر فزعته بالنشيد .!=شفناك تلمس لسان الحيه اللي حكت جنيبها
..
فواز السعيدي =
وانته تلطّمت عن ربعك وخلّيت المواقـف بعيـد=وش عذرك من الليال السّود لامنّه عوى ذيبها !!
الملعبه ساحة مقابس لجيـشٍ محتـزم بالقصيـد=لو كان بعض المعارك ياوسيع العرف ماليبها !!
مرجح الميزان =
ما ظنتي في جبال طويق لو عاينت قطعة جليـد=تدريبها والعوارف يا عميل الخير تسـري بهـاا
اتقولها مار يا طير الفضا من عقب ما أنته تصيد=صادك صبيٍ يشيل اللي تحدحد عـن مضاريبهـا
فواز السعيدي =
انزع قناع الخجل واظهر لنا لن كان عظمك حديد=حنا ترى مانخاطب قـوم مختلفـه هناديبهـا !!
الليله العيد وانا يالمقاطي جبـت ثـوبٍ جديـد=وثيابي البارح اغسلها وتقعد فـي دواليبهـا !!
مرجح الميزان =
يكفيك رسمي وقسمي مع رجال العرف ما هو زهيد=من عشق ليلى ..! وليلى خايلتني عن خطاطيبها .!
إن كان وإنك تلبس فالجدايد مـا بقـى ألا الفريـد=عقدٍ هديـة غـلا فالملعبـه دايـم تمـاري بهـا
فواز السعيدي =
ميزانك اللي تقوله مارجح لكـن حـاول تزيـد=ادوختنا بالعلوم اللي علـى بالـك تثاريبهـا !!
والله لتبطي مع اهل المعرفه ( مسطول ولاّ بليد)=ياللي تحرث العلوم اللي علاك يزين تركيبها !!
مرجح الميزان
صح لساااانك مليووون
مبدع مبدع
فوااااز السعيدي
صح لساااانك مليوووون
مبدع مبدع
وطارووق راااائع
تقبلوا مروري وتحيااااتي
