انا نصحتك لان قدرك يعليك ..والا في طبعي ماعليّه من الناس

السسلام عليكم..



شخباركم؟



احب اقدم لكم قصيده جديده لي يارب تعجبكم..



عنوانها(يابو فلاح)



يقول:
يابو فلاح اسمع ترا القاف ناصيك
وابغيك تسمعني ترا الوضع حساس
وانته رفيق الدرب مافيه تشكيك
وخوتك تجلب لي معزة ونوماس
خوتك عندي ماهي بصك ن وشيك
خوة نشاما ماتخاوو لقرطاس
لكنّ يالغالي تراني ابوصيك
وصيةن جايتك من صادق احساس
نويت ابين وشهو فالوقت خافيك
وانا رفيقك درع جنب وذخر راس
لاتاخذك دنياك وتتبع هقاويك
الناس فالدنيا ترا انواع واجناس
لون الذهب يجذبك لكن أبنهيك
ياكم لون ن اصفرن وأصله نحاس
وماكل من قدم بكاسه بيسقيك
ياكم رفيق ن يخلط السم فالكاس
ولاتحسب الي ضاحك السن شاريك
ضحك الثغر عن نيته ستر ولباس
وماكل من صافح يدينيك بيغليك
يمدحك لاشافك ولاغبت كالفاس
مكروه لاجابوا هل العرف طاريك
يذكرك بالشينه وهو راس الافلاس
وانا تعبت ادمح هذية على ذيك
اسكت واقول بخاطري صدق لاباس
وانا سكوتي ياعسى الله يخليك
ماابغيك من بعض السواليف تحتاس
لكنها طالت وطال الغلط فيك
ونويت ابينّ كل باير وهلاس
ياجعلهم يفدون ممشى مواطيك
يالي غلاك بحور صعبه ماتنقاس
في ذمتي مالك مثيل ن يساويك
يالنادر الشامخ وياطيب الساس
انا نصحتك لان قدرك يعليك
والا بطبعي ماعليّه من الناس

وسسلامتكم

نقدكم وتقييمكم يزيدني شرف

تحياتي لكمض29

صح لسااااااااااااااااانه

صح لسانك

يا رايد العصيمي وحياك الله وحيا قصيدتك وانا معجب وانت مبدع لله درك والقصيده حلوه
بس ياليت لوتراجع بعض الغلطات المطبعيه في مثل
نويت ابين وشهو فالوقت خافيك
و
لاتاخذك دنياك وتتبع هقاويك

وصح لسانك مجددا
تقبل مروري

صح لسانك رايدالعصيمي
وموانامعجب بس شعراء نجوم صححولك يارايد ماشالله
تقبل مروري