قصيدة الشاعر=حبيب العريمة الحربي وردي عليها

سلام وتحيه لابوعبيه وفاء واجلال = على حفلهم لمشاركتهم بالامثالي
تجاوبت واجبت الرساله يابو جلال = واجل ماتجاوب وانت غالي وابن غالي
ولايكفي الغالين عذرا على الجوال =ولكن حضور الحال يكفي عن المالي
نجي من شمالي نجد مشوارنا لو طال =على شانكم نطويه والخط يطوالي
على الجيب الاشهب والمعاني على التمثال = تزف المعاني والتباريك تبرالي
حضرنا يابو جلال لمناسبة جلال = وعلى ماذكر سيد البشر سيد الاقوالي
نقول الحديث ونقتديبه على ماقال = هذا والله اعلم والنوايا بالاعمالي
حضرنا على طيب الكرامة وطيب الفال = وعسى حفلكم مبروك ياطيب الفالي
وعسى الله يبارك بالمكاسب وراس المال = وعلى مامشى جلال الاول نشا التالي
يقول المثل مامات رجلن وراه ارجال = حرارا مثل شرواه في كل الاحوالي
وانا والنشاما نعتبر مضرب الامثال = لنا من سلفنا مرجعن ماله امثالي
سقاءالله زمانٍ يانديمي تقل مازال = عزيزٍ تجدد ذكرياته على بالي
جمعنا على عز ومعزه وسلم ارجال = انا وانت والشيبان وافين الافعالي
ابويه وابوك الكل منهم كريم اسبال = هل الباس والنوماس والمستوى العالي
تعلمت انا وياك منهم وفاء المكيال = ورثنا الوفاء والناس رجلي وخيالي
يقولون لفهود العرب والاسود اشبال =اسود العرين بغيبت الليث ريبالي
يشد الرحيل اجيال قوم ويحل اجيال = على الحل والترحال والمر والحالي
عسى منزل الابطال مع خيرت الابطال = قريبٍ لها طوبا بعيدن عن الصالي
عسى جنة الفردوس لابواننا منزال = على الزين والاجيال مع درب الاجيالي[/poem]








وهذا الرد

هلا مرحبابك يالعريمة عريب الخال = تراحيبٍ احلا من شهاليل شلالي
تراحيبٍ اتقابلك عند اول المدخال = وبعدها الشحم من بعد دله وفنجالي
حضورك يابونادر غمرنا وسر البال = عسى الله يجيرك من صواديف الاهوالي
لفيت ووفيت وطبت ياطيب المنهال = وعن وصلنا ماقلت انا دالهن سالي
لفتبك حقوق الجيرة اللي سهمها عال = مايرخي سهمها داير الوقت لو طالي
لو ان السنين اتدور وليال سد ليال = تدوم العلوم اللي مضامينها جزالي
علومن مايلحق مستواها قصير احبال = ضعيف الجدا اللي دلوه اتصافق الجالي
مايلحق مستواها الا هل الصدق بالافعال = جمال الحمول اللي يشيلون الاثقالي
وهذا مثل شرواك من دون شك اجدال = يازاك النسب نبع الوفاء سمح الاقبالي
نتفاخر بعهدن بيننا غاية الامال = على الجيرة اللي بيننا مالها امثالي
حفظوها الرجال اللي على الحل والترحال = على نطحت الماجوب شرهين واعجالي
وترا جاركم ياحرب من ماضي الاجيال = تصيرون اله يااهل الشيم ستر واظلالي
ذكر طيبكم ليث عنزه يوم غنا وقال = على جيرة الحربي غدا الدمع همالي[/poem] [/poem]