يــا مجـلـس الأمــن عضويـتـك مرفـوضـة ،،،،،،،،

السلام عليكم



مساء / صباح / الخيرررر




يــا مجـلـس الأمــن عضويـتـك مرفـوضـة=نـقـولــهــا بــالــفـــم الـمــلــيــان واسـمــعــهــا
العـالـم أصـبـح دمـــار وعـمــت الـفـوضـة=وانـــتــــه تـــصــــدر قـوانــيــنــك وتـطـبـعــهــا
مــالــك قــــرارات مـسـمـوعـة ومـفــروضــة=والـنـاس مـــا فـــي يـديـنـك حـــق يقنـعـهـا
يعنـي مجـرد شكـل يمشـي مـع الموضـة=والــزمـــرة الــلـــي تــغـــط الــنـــور يـتـبـعـهـا
القـدس كـم عـام مـا خلصـت معـروضـة=شـوكـة عـلـى ارضــه ولا حبـيـت تقلـعـهـا
وأكـثـر بــلاد الـعـرب فالـحـزم مقضـوضـة=قــل لــي مـتـى يــا طـويـل العـمـر تنفعـهـا
لا تحسـب انـك تحاكـي طـفـل فالـروضـة=النـاس ملـت حكـي والحكـي مـا اشبعهـا
امــــا غــمــار الــلــزوم الــــلازم تـخـوضــه=وألا العـلاقـة مـعـك مــن حـقــي اقطـعـهـا
تمت وصلوا على اللي من ورد حوضه=حـصــل جـزيــل الـكـرامــة عــنــد منـقـعـهـا





14 / 12 / 1434 هـ

محمد العضياني صح لسانك


تحيتي

حياك الله يا فهيد المورقي


شرفتني بحضورك طال عمرك



صح بدنك ولاهنت


تقديراتي لشخصك

صح لسانك ياولد عاضي

في محلها وفي وقتها كفو يالنشمي

مرحباااا الف يالعاااابر



صح بدنك ولاهنت على التواجد المشرف



ما على الطيبين شرواك زود



احتراماااتي لشخصك

صح لسااانك يامحمد . وناشهد انك شاعر قرار

والله ياخوك اني تمنيت انها ماانتهت . استخدمت كلمات وجمل سهله وشيقه

لله درك

وسبقتنا في اشادتك بموقف حكومتنا الرشيده وانتقادك مجلس الكذب



قصيده تستحق الاطلاع عليها واستبيحك العذر في نقلها اذا ماعندك مانع

هلا ومسهلا يا راشد وما عليك زود طال عمرك




شرفتني بكرم حضورك ونورت المتصفح




ما عندي الا بعض ما عندك وعند الغانمين




وتمون يابن العم على القصيدة وراعيها



تقديراتي واحتراماتي لك

صــح لسانك يامبدع .. على هذه الابيات الطيبة