بن سرور رحمه الله

يا ونة ونيتها واعمت العين
===== والثانية يا بدر شقق فؤادي
النوم ما هملج على محجر العين
===== ولا ذاق نون العين حلو الرقادي
يا طير يوم انك تضف الجناحين
===== وتروج من فوق الحضر والبوادي
يا طير ما عينتني قرة العين
===== عينت طيري ياشقر الريش غادي
يا طير قهقر بوصفه لك أنا زين
===== شيمي وطيري عن عدوه حيادي
طيري هدف منبوز فج العضادين
===== واليا انتهض صدره شناح سنادي
بين خرش يا طير ما بين لونين
===== مقرنس ماهوب تبع ردادي
طيري ماهوب من الطيور الشياهين
===== نادر بحر تو السعد منه بادي
حره يخلي الكبد يا جهاد قسمين
===== وحزنه يخلع القلب جوف الفؤادي
يالله يا جابر عظام المصابين
===== يالمتعلي المعبود رب العبادي
يا بارج لأيوب حين بعد حين
===== تبرج لجسم من عنا الحزن بادي

صح لسانك


والله يرحم بندر بن سروور



لاهنت



تحياااااااااااااااااااااااااااااااتي

رحمك الله يابندر



اخوي عتيبي معاصر


لاهنت والله يعطيك العافية

صح لسانك اخوي ..
ورحم الله الشاعر بندر ابن سرور ..
ويعطيك الف عافيه ..
تحياتي وتقديري ..

..

.

اخواني

ابن نعيس اثلث منصور ابن فهيد


اشكركم على مروركم الذي اسعدني


ولكم تحياتي