قصيدة عتيبة ( يقولون العرب برقا ويقولون العرب هم روق)

بسم الله الرحمن الرحيم

لابتي واخواني اعضاء قبيلة عتيبة
السلام عليكم ورحمة الله وبركاته
اعتذر عن انقطاعي الطويل عن منتديات الهيلا
لظروف اعلم به الله
واقدم لكم قصيدتي الغالية على قلبي هدية لأعضاء المنتد ى

===================================

عتيـــــــــــــــــــــــبه

يقولون العرب برقا ويقولون العرب هم روق
................................. وأنا اقول العتيبي عز من روقه ومن برقا
وأنا ما حدني كود الغشيم الجاهل المطفوق
................................ تعرضلي جعل حضه يطيح وعقب ما يرقا
حسود(ن) صيته في الرقه وصيت عتيبه دايم فوق
................................. صحيح أن الحسود يغل ألا يا جعله للفرقا
وأنا ودي أبينلك كلام (ن) مصدره ماثوق
................................ ترى عتيبه يا ولد الناس من الطايف إلى الزرقا
تكاتف بينهم لحمه ولو أن للحجر منطوق
............................... يعلمك بسواياهم في غرب الأرض والشرقا
هدفهم أنبل الأهداف لا عاشق ولا معشوق
.............................. ولا قصة زمان طال فيه الهرج والقرقا
أهل شيمه أهل قيمة عطاياهم جميل النوق
............................. أخذنا العز بكفوف (ن ) تخضبها دمى العرقا
تحالفنا مع القايد زمانن كان فيه صفوق
............................. زمانن كانت العزه لمن سيفه قوي يبقى
وشكلنا معه قوه مهابه خصمها مطبوق
............................. نبيع الروح لجل الحق وراية ديننا ترقا
وقدوتنا أبا القاسم والصديق والفاروق
............................. ما هو لاعب حلق راسه وآخر حطله فرقا
تعاهدنى على وهب الوطن حب وحنان وشوق
............................... نموت ولا نخون العهد ولو صار الزمن سرقا

===============================

كلمات /
حشيفان بن غازي الحبيل العتيبي

بيض الله وجهك يا الحبيل ...

والله كفو

نحم
مشكور على مرورك الجميل
والله يبيض وجهك

اخوك /
حشيفان الحبيل

بيض الله وجهك

ذيب
مشكور على مرورك
وابيض وجه

بيض الله وجهك ياحشيفان بن غازي وترى عتيبه ياولد الناس من الطايف الى الزرقا أبيات جميله وهذا البيت من اجمل الأبيات وعتيبه من الطايف حتى مدينة الزرقا في الاردن اجيز لك القصيده وفالك التوفيق وتصويتي له ميه في الميه وشكرااااا يابن العم وماقصرت في قصيدة عتيبه.

بيض الله وجهك ياخلف
وذكرتني بشاعر المليون
والدكتور غسان وحمد السعيد
وليتك انت الدكتور يادكتور

اخوك /
حشيفان بن غازي

...
.

صح لسانك يابو غازي
ولاهنت على هالابداع ومدحك المحمود لقبيلتك
..
اسجل اعجابي بهذه الرائعه
....

مرزوق
مرحبا واهلين
ومشكور على مرورك الرائع

وبالتوفيق