قصيدة في المزاين للشاعر فواد الحافي

مزاين الهيلا يرحب بمن جاه=يامرحبا عداد ماهل رعاد


برامج صيغت بحرص منقاه =أدب وشعر(ن) والثقافه والإرشاد


كل التعصب والتشتت نبذناه=في الملتقى نحرص على جمع الأجــواد

حنا سعوديين والدار نحماه=أبناء وطن واحد ومنطوقنا الضاد

الكل منا عايشن في نحاياه=مافيه فرق بين حاضر ولاباد

ماضي الجزيره فخرنا مانسيناه=سطر بها التاريخ صفحات جداد


والبل ذكرها الله بوحي قريناه=سفن الصحاري للعرب شرب مع زاد


وتشجيع حكام الجزيره هل الجاه=زود غلاها عند أهلها والأعداد


على طريق واضح درب ممشاه=ماهمنا تعليق مغرض وحساد


ورث من الاجداد طيب كسبناه=من بعد ماعاشو على عز وجهاد


والعدل أخو نوره حكم به ورساه=منهج وسط عن مسلك الشرع ما حاد

وذخر ملوك سايرين على خطاه=لهم يسجل كل فخر والأمجاد

هذا الوطن بالروح والمال نفداه=نصد عنه الي نوا غدر وإفساد


شهادة دونه شرف ونتمناه=كم حط منا من شهيد (ن) بالألحاد


لو شانت ظروف الزمن ماهجرناه=هذا البلد غالي ولاغيره بلاد


يازين مرباعه وياطيب سكناه=وياحلو ماه الي يداوي للأكباد


هواه يكفينا عن الشرب واغذاه=والأمن فيها راسي مثل الأطواد


هذا الوطن كلن يعزه و يهواه=مكه وطيبه خير بقعه ومقصاد
عداد وبل صادق وانتثر ماه=في ملتقى عتيبه نرحب بالأجواد


في السر ملفاكم خيام مبناه=في الطارفه عود مع دلال جداد

فيها الشحم للضيف قدم ويلقاه=سلم الرجال الطيبه جمع وأفراد

وختامها صلو على الي تبعناه=محمد الي حارب الشرك وإلحاد







فواد بن سعد بن خرصان الحافي العتيبي
هذه القصيدة لملتقى الهيلا 1428