يحسبن الشعر مثل الصفر يوجد فالكبينه @@ مادرى انه مايناله غير جزلين المعاني

يحسبن الشعر مثل الصفر يوجد فالكبينه @@ مادرى انه مايناله غير جزلين المعاني


((من روائع الشاعر /بدر بن محمد السبيعي ))




ياحروف الشعر هاتي من هجوسي ماتبينه
وانظمي عذب البيوت اللي لها فالشعر شاني
واكتبيها في سطـور الدفتـر الله لايهينـه
بعدها شكراً ويبقى الدور في نطق اللساني
لعتزينا ياقصيدي خصمنـا يقطـر جبينـه
في محيط الشعر ماله لاوجـود ولامكانـي
يوم اواجه خصمنا اللي مادعولـه والدينـه
والله ان ينسى فلان انه ولـد ذاك الفلانـي
ماتت عقولن خفيفه عاشت عقولـن رزينـه
والخفيفـه للخفايـف والرزينـه للرزانـي
يوم اشوف الشعر مع ناس ٍ تشيله مبتلينه
قلت وقٌف باح شعرك عند حـدك لأتمانـي
يحسبن الشعر مثل الصفر يوجـد فالكبينـه
مادرى انه مايناله غيـر جزليـن المعانـي
ان خذينا ياقصيـدي ماخذينـا الا الثمينـه
وان عطينـا والله انـا مانمـد الا الثمانـي
حقنا وافي ولاينقـص ولانرضـى الغبينـه
والله انـا مانقـدم عشـر ونـدور ثمانـي
وان غزينا مارجعنا والخوي باقي رهينـه
لازم انا نكسب الموقف بعد فـك الرهانـي
وان هرجنا يسكت المجلس وتغشاه السكينه
وان سكتنا كل قـول ٍ مانبيلـه ترجمانـي
الهزيلـه مانبيهـا مانقـول الا السميـنـه
والهزيله والضعيفـه ماتقـارن بالسمانـي
وكل رجل ٍ يطلب الله فالزمن ربـي يعينـه
يالله اقبل من عبـادك فالخفـا ولا البيانـي


((منقووووووووول ))

يعطيك العافية

مشكوووووووووووورين علي المرور يالغالين

مشكور وماقصرت

مشكوووووووووورين يالغالين علي المرور الجميل