تكفون يا بني عمي الفزعة

[] بسم الله الرحمن الرحيم
السلام عليكم ورحمة الله وبركاتة

أولا: أشكر القائمين على هذا المنتدى الرائع والجميل واقول لهم الى الامام وبالتوفيق لهم وللجميع.

ثانيا: هذه اول مشاركة لي و تعتبر طلب لي لكم يا بني عمي عتيبة واتمنى ان لا تردوني يابني عتيبة و طلبي عبارة عن بيت قرأتة في احد المنتديات و أعجبني وأريد منكم يابني عمي ان تعطوني القصيدة كاملة وقائلها .

البيت هو:

ياصاحبي تفداك برقا مع روق ** واللي بعيد الدار واللي هنيا

وانشاء الله القى مبتغاي عندكم يا بني عتيبة

وانشاء الله اكون عضو خفيف الضل عندكم

وكل عام وانتم بخير

ابن عمكم

الـ ـ ـ ـعصيمي [/COLOR]

حياك الله يالعصيمي في هالمنتدى
ونورتنا بوجودك
ومطلوبك ابشر به
والقصيده اللي تبيها

يامل قلب ن من هوى زيد مطروق .... طرق الحديد ملين بالضويا
امسيت قلبي في واصبحت مسروق ... ودروت في قلبي علاجا وعيا
يفدي عشيري كا برقا على روق ... واللي بعيد الدار واللي هنيا
ويفداه من يركب على الخيل بعروق ... مع خيل ابن هندي وخيل المحيا
ويفداه من يمشي على الارض من فوق ... واللي يشوفون القمر والثريا
ويفداه حضر لجوا العصر بالسوق ..... وابن رشيد اللي على الحكم عيا


وسلامتك

بسم الله الرحمن الرحيم

أولا: اشكر الاخ الخنفري وقولة ماقصرت وبيض الله وجهك والله يحفضك لعين ترجيك.

ثانيا: ان يكمل الخنفري جميلة ويقول قائل الابيات ويكون خدمني خدمة منساها له.

تحياتي للخنفري وباقي الاعضاء وبتوفيق انشاء الله لكم

اخوكم

الـ ـ ـ ـعصيمي

ومن يقول طال عمرك

وقائل هذه الابيات الشاعره قمراء المرهوصه من قبيلة الدعاجين

يا بن الحلال روعتنا (تكفون يابني عمي الفزعه)
واخرتها على قصيده ....ماطلبت شي نعنبو مندوب عدوك
وبيض الله وجه الخنفرى (خوالي دايم سباقين بالطيب) ماقصر
ولو تبي دواوين شعر والله ماتلقاها عند احد ابشربها...... وبرق السما برقا

بسم الله عليك يادهام انا الي تروعة مهو انت من ييوم وانا انزل بالماوس قلت في نفسي وش سويت للرجال يوم يتروع واخرتها عشان العنوان هذا وانا اخوك اسلوب عشان اللي يتصفح ينشد للموضوع وانا اخوك وش رايك بس في الطريقة نافعة .

وأنا اشهد وهو غني عن شهادتي بعد ماشهدولة الرياجيل وماقصرة اخوي الخنفري وبيض الله وجهك.

وتحياتي للخنفري ودهام وباقي الاعضاء وبتوفيق انشاء الله

أخوكم

الـ ـ ـ ـعصيمي