لاتفوتكم.. مساجلة بين زبن بن عمير ومحمد السديري

هذه مساجلة جرت بين محمد السديري وزبن بن عمير (رحمهما الله):


يقول محمد السديري
يازبن ودعناك في يوم الاثنين=لعلها لك ياخو صنعا مسافير
بجيرة الله ياعشير الغلامين=يامقفي عنا ذكرناك بالخير
نغليك يوم إنك بعيد عن الشين=وريف لضيفك في ليال المعاسير
يوم تغيبه عندنا قدر عامين=ويوم نشوفك فيه عز وتباشير
هذا الفراق اللي نظرناه بالعين=وعز الله انك ناوي بالمحادير
يازبن يالبراق بالله الى وين=واسلم ورد العلم يازبن العمير


فأجابه زبن بن عمير على الابيات الماضية قائلا

وانا بعد ودعتك الله بتسعين=وداعة من حفظ والي المقادير
ياباذل الحسنى على المستحقين=ونطاح بالضيقات وجه المناعير
ياللي بدرب الطيب جالك براهين=ولبست بالبيضا ثياب مشاهير
يبون دربك ناس واجد وعجزين=يجي لهم من دون دربك عواثير
ولا يختفي فعل به الناس دارين=لين انها تمحى الجبال المزابير
من يوم عنك اقفيت والقلب والعين=عندك,, وفي جسمي تشب السواعير


تقبلوا تحياتي،،

المتواصل معكم:
نسيم الليل