مقهوي جوه الضيوف

سلام رديه كما بيض السيوف=اللي تنومسني رهيف حدها


مقهوي البارح بعد جوه الضيوف= وزى بعشه واندعس في سدها

ههههههههه


صح لسانك يالثبيتي ..



وفي انتظار مقهــوي ,,

..

صح بدنك ياخيال الصفرا والدعوه مزوح مع اخي وزميلي مقهوي اطال الله عمره

يامرحبا ترحيب ماهو للضعوف = وان جاتني في واجبي ماردها
اليا نصاني ضيف اذكي له خروف = لو كان بعض الناس ماهو قدها

خيال الصفراء

صح بدنك ولا هنت


عاد اخوي سعد الثبيتي الايام هذي اقشر ماينقاله شي ههههه

صح لسانك واخذ راحتك ياعزيزي

دام البقا بك عد همال القنوف=من عزوة(ن) معروف يقدح زندها


خابرك ذباح الرباع مع النصوف= مار اعمر البنيه حذار تهدها

ياصاحبي حط النقط فوق الحروف = ترا الخطا ماينحسب ظمن الدٌها
السالفه مابين شعٌار وصفوف = لاتكفي الطاسه ونفسك هدها

السالفه ماهي بهزات الكتوف= ماهي بجيب صحون والا ودها



السالفه مابين حاذف ومحذوف= حذفتني حذفه يا كيف اصدها

مدٌ النظر فوق السماء وانظر وشوف = غير السماء عينك بلاش تلدها
ماجاك غير الي حذفته بالكفوف = اكسر ذراع الي يديه يمدها

صح لسانك يا الثبيتي
ومشكورعلى القصيده

انته عيونك تحت وانا فالردوف= مزحتك مااعرفها ولا اعرف جدها


زرع(ن) زرعته تحصده وانت معروف= بالغلطه اللي جبتها من فندها

صح بدنك ياعضد جنبي

يالصاحب الي ودٌك بكتم البلوف = السالفه ماهي قرون تكدها
قدامكم لوحات (ممنوع الوقوف) = أبتل وبتٌل فالطريق وعدٌها

الظاهر مقهوي مكثر بالسفوف= مدري اشتهى لقمه بلعها جدها


اشارتك حمرا ومعفي لاتطوف= اثر المطيه وسمها في خدها

الرجاء بدون زعل يامقهوي الدعوه مزوح

لو جيت ابا وصفك ياكثر الوصوف = اخير اصك حلوقها واسدها
اليا بغيت اطوف ..من رغم الانوف = لكنٌ طالع فالنجوم وعدها



صح لسانك ياسعد انت الايام هذي مشكلجي ههههه

لاهنت وشرفني مجاراتك للمره الثانيه

تصبح على خير ياعزيزي يامقهوي والله يعلم انني احبك فالله والسموحه السموحه واعذرني على القصور يالغالي

وانت من اهل الخير , مافيه قصور وافي وعلومك جزله طال عمرك

الطيٌب الي مثلك ياسعد ماحد يزعل منه والشعر كلام مايزعل احد وانا اخوك والي يزعل لايلعب

الله يبيض وجهك عز الله انك وافي يالغالي