هب النسيم وعــــــانقـــه طلعة النــــور:::":::وابطيت اهــوجس بين ريحـــــه ونوره

هب النسيم وعــــــانقـــه طلعة النــــور= وابطيت اهــوجس بين ريحـــــه ونوره

واقفيت كني من هــــواً صلف مذعــــور= بين الرجا واليـــــــاس نفسي صبوره

عـــانيت انـــــا من نوره ايــــام وشهور = من بعد غيبه صـــار يعلن حظــــــوره

حتى القمــــــر من سيّد البيض مقهور=غـــــاب القمر واعلن بدالــــه ظهوره

مديت انـــــــا مع ظلمة الليل نــــاظور=وصورتهـــــــا بــالعين تسعين صوره

يابو سند لو شفت بنت ٍ من الحـــــور= لو شـــــافها الصقـــــــار طيّر طيوره

يابو سند من عرفها صرت مخطـــــور= ومن عقبهـا زادت علي الخطـــــوره

من زين راع الزين انـــا اليوم مسحور= حتى المشعوذ مـــا نفع بي بخوره

اضحك ثم ابكي بين ضايق ومسرور= والقلب قدم النـــاس يبدي سروره

صعب المفــــارق لكن القلب مجبور= وصعب ٍ على الرجّـــــال عزه يبوره

انا استشير اللي معه ينفع الشور= الامر شورا والعقل فـ المشــــــوره


قلبي انا من عقبها صار محظــــور=مايدخله يــــابو سند غير ( نوره )


الشاعر / عبدالعزيز الغنامي

صح السانك والسااااااااااااااااااانه يالغالي