قصيدة الشاعر متعب بن خلف بن هذال في سلامة الامير محمد بن نايف

ارفعوا مني تهاني بالسلامه

للأمير محمد الشهم العصامي

الاميراللي سبق فعله كلامه

ذخر نايف للوطن درع وحزامي

فارض ٍ حبه علينا واحترامه

تستحق المدح يا رمز السلامي

من فعوله ما لحق شخصه ملامه

يا عريب الأصل يا الحر القطامي

خادم ٍ شعب السعوديه وإمامه

المليك اللي على الطولات سامي

الزعيم ابن الزعيم ابن الزعامه

منزله بالمجد في راس السنامي

سيدي حنا معه خلفه وأمامه

نارد حياض المنايا ورد ظامي

والمريض اللي يبي رأسه حجامه

حكم شرع الله تحت حد الحسامي

بالخدع والغدر واسلوب الرخامه

تفجعون الآمنين بفعل دامي

كل يوم يبين للخله علامه

والدليل ان العمل فعل انتقامي

متعب بن خلف بن هذال

صح لسان ابو خلف على المشاعر الطيبه



ومشكور على النقل

صح لساااان الشاعر المبدع / متعب بن خلف بن هذال

وهذا الشبل من ذاك الأسد ..

بيض الله وجهك ياغالي ماقصرت ..

تحيتي
...