عتيبة الهيلا كعام المعادي

أخواني سبق ان وضعت القصيدة في ملف صوتي في هذا المنتدى والآن أضعها كتابيه وقريباً سأضعها في اليوتيوب وأعذروني على القصور يالعتبان حقكم أكثر من كذا....


تحيةٍ كله زهور ورياحين=مخالطه عودٍ وعنبر وكادي
لبو فـهــد إبـن الرجـــال المــيامـين=عتيبة الهيلا كعام المعادي
عتيبة اللي للمراجل مضّرين =عوق الحريب اللي حداه العنادي
نفلوا على كل القبايل بثنتين=خولة نبي وطيبهم بإزديادي
وطيبهم من أول الوقت للحين =أهل الشجاعة متعبين الجيادي
للضيف ريف وللرفاقه وفيين =وللخير خير وللشهامه سنادي
وأبو فهد منهم على الراس والعين= يستاهل التقدير حقٍ وكادي
خلق وتواضع مع كرم طيبٍ ودين = ربي جمعها في صخي الأيادي
أنشى لنا طرق ورصيفٍ وسيدين= وإنارةٍ وأنشى ملاعب نوادي
وتطورت كل القرى بالميادين = بعد السنين اللي كساها السوادي
روضة وجالك ماتبين وتمنين= حرٍ عديمٍ ما هو شخص إعتيادي
رجل التطور ساقه الله لك الحين= رايٍ سديد وبالمهمه إريادي
تستاهل وسام ودروع ونياشين = أنا أشهد إنك يالمقاطي قيادي
أنا أسلمي وأفخر بفعل الكريمين= اللي مثل شرواك هذا مرادي
الله يعزك يالعتيبي ملايين=الله يـــعــزك يـــا كــــريــــم الأيـــادي




أخوكم الشاعر/ محمد بن جزاع الأسلمي
منطقة حائل

أفا وينكم يا الهيلا ولا واحد رد ؟!!!!