علي فلاح .. من باب تلطيف الجو ..!!!

متى ماسمح وقتك يابوفلاح ... والقلوب صحاح ..!!!



لاتضيق السراير ياعلي بن فلاح = الدعاوي هواين وانت تدريبها

بين ضرب السيوف وبين زرق الرماح = ندحم القوم ونكسر عراقيبها

الدجيماء صح لسانك
وصح لسان قبيلك

متابع:)

لاهنت يالدجيما وبانتظار ابن فلاح

الخال و بناخيه من دون كل الناس :)



انت مدري تقوله جد و لاّ مزاح=القلوب الله اللي عالمٍ غيبها
لا تقف قدمنا بين العدوّ و السلاح=ثمّ في صدرك تبيّن مضاريبها

الله الله ابداع ياعمالقه الشعار

صحت الالسن والقلوب

تقبلو مروري

صح لسان الشاعرين

ولاهنتم

وننتظر متابع

كفو والله يالبنااخي ..



لوبفاس الخراب ندق ضلع النجاح = ماتبيّن ,, ولانحتاج تجريبها

لاوقفنا دروع ,, ولاهجمنا رياح = معك ,, واشيب عين الخصم واشيبها

\\ فارس العتبان ,, قنوع النفس ,, الكنق 2011 ,, يوسف العازمي //

صحت ابداانكم .. وألف شكر على المرور الرااائع .. والمتحف ..!!

ويش مقسمك من ورث الدجيما صلاح=يوم كلٍ مواريثه يماريبها
قبل صوت البنادق تسمعون الصياح=السواري معك و أزريت ترميبها

الله الله

//



مقسمي صيت طيّب والشجاعه وشاح = كاسبه من رجالٍ ذايعٍ طيبها

بيرقي مايطيح الا ليا الراس طاح = انشد "النايف" اليا كنت غاوي بها

الحقيقه سناها مثل نور الصباح=هقوتي فيك صابت و إنجلى ريبها
في مجالس رجال الطاله العود فاح = و انت طيّبت به دقنك و أشانيبها

لاهنتم ياكبار الشعر وبيض الله وجيهكم

صحت القلوب والالسن جميعا

ابوفلاح .. صح لسانك يالذيب .. ومشكور على اتاحة الفرصة .. نتعلم منك .. الى لقاء اخر .. باذن الله :



دام جتنا عطية والضماير صحاح = والله اني لأبيع ابها ولأشري بها

انهج الدرب لايغويك صوت النباح = انت من روس قوم اتعز اصاحيبها

محاورة جيدة من الطرفين .






لكن كأني فهمت أنها تحريضية لورد اسم ( النايف ) , هل تقصدون رجم النايف !!!!!!!!!!!!!

أشكرك يالدجيما على الطاروق الطيب






شمروخ بن عايد


إذا كان هذا مدى تفكيرك فلاحول و لا قوة إلاّ بالله

بين ضرب السيوف وبين زرق الرماح
ندحـم القـوم ونكسـر عراقيبـهـا


لا تقف قدمنا بين العدوّ و السلاح
ثمّ في صدرك تبيّـن مضاريبهـا



هههه


ابدعتما


الدجيماء // المستشار




صحت السنتكم

شمروخ بن عااايد : لاتعليق ..!!!

العمده : صح بدنك .. والله يجعل هالضحكة دوم باذن الله .. لاهنت يالذيب ..!!!

لاهنتتم جميع استمتعنا بطواريق جميلة لكن بعض التدخلات الغير لائقة لانريدها(هويعرف نفسه)ودمتم