شكية الضب للوزاره

الضب قدم للوزاره شكيه
يقول انا مظلوم وسط الصحاري
الحيوانات تعيش عيشه هنيه
وانا مع الكبسات تحت الكباري
مسكين مالي واسطه خارجية
الواسطه عند الضباء والحباري
اشكي من الازمه ظروفي قو يه
خصوص وقت الصيف والجسم عار ي
محمية الغزلان دون الحويه
وانا مقطع وسط رز البخاري
انا لحالي عيشتي جاهليه
انصاد لو اني بالبنك العقاري
في سوق منفوحه يحرج عليه
مكتوب اسمي بالسجل التجاري
احتج واقدم للامه قضيه
ممنوع صيدي بالسلاح الناري
اعيش انا والحباري سويه
مافيه فرق بين هيس وهواري
اليا طلعت ابا اتمشى شويه
اليا الدداسن كوم تضرب بواري
الصيد يتمشى جري واهنيه
في محمية الغزلان وام القماري
وانا في مسلسل طاش يضحك عليه
وين التقدم والاسلوب الحضاري
كيف الورر مرتاح وانا خويه
يلعب معي بالليل ياعضيم ساري
ان كان مالحقت عليه المنيه
ان عاش راسي تاكلونه اجباري
ياناس روحو لصيف ابها البهيه
حفر العتش مافيه غير الغباري
اخر كلامي فزعو لي سريه
من مركز التدريب حق الطواري

الله يكون في عون الضب بس جاء وقته والله

خوي النشاما

لاهنت على المشاركه

تحيااااااااااااااتي

تسلم يمناك

لاهنت

الإخوه الكرام/ شقراوي،،، الدلبحي،،، داهية عتيبه
أشكركم على المرور والله لا يهينكم
وصحيح إن الضب مظلوم لكن ياطيبه على الكبسه

الضبان طلعت يالربع والا لا



متى تطلع

محمـيـة الـغـزلان دون الحـويـه=وانـا مقطـع وسـط رز البـخـاري

مسكيييييييين يهالضب

ههههههههههه

سلمت ياخوي النشاما على هالنقلة الرائعة

وانشاء الله شكية الضب تلقى من يوصلها :D

تحياتي

هين هين ياضبان

ترى بتحل قضية الضب في مجلس الامن..كوفي عنان
ولا قضية دارفور...ههههههه
انتبهو يابدو

هههههههههههههه حلوة الشكية هذي

والله يشكي والا مايشكي اكلينه اكلينه ( مجنون هو من جده )
حللاه يالصمان هلحين هي وضبانه وربيعه الي ترد الروح نفتك من المدينه وصجتها ولجتها ( وزحمتها )

الإخوان الكرام/
- شقراوي
- فهد الشيباني
- البرقاوي نت
- مروي العطاشا
- مرزوق المغيري
أشكركم على المرور والله يعطيكم العافيه وسلمتوا