ياسلام الله برده لها عشرين باب

ياسلام الله برده لها عشــــــــرين باب .........كل باب بحسب اصابع يديك تعدها
من عرف معناه يحضر ويعطينا الجواب ........مثلــــــما قال المثل مد يدك شدها

مرحبا ترحيب بابه مثل ريش الغراب = بس لو ابواب ردتك ميه ايسدها

ذا جواب الرده اللي مثل ضوح السراب = مثل ماقال المثل مد يدك وردها

مرحبا ترحيب بابه مثل ريش الغراب = بس لو ابواب ردتك ميه ايسدها

ذا جواب الرده اللي مثل ضوح السراب = مثل ماقال المثل مد يدك وردها

البقاء والله يجيرك من أبواب العذاب...والمعاني جبتها وأدري أنك قدها
ردتي يالعازمي خير من بعض الكذاب ...لاتحاقرها وقدم يمينك مدها

جارك الله من عذاب الولي يوم الحساب = مانقف باذن الله لقوم غير انضدها

ردتك ماجات فالسنه ولا فالكتاب = واي حاجه خالفت ماتعدى حدها

والنعم فيمن يقف لشدايد والصعاب...يوم بنت الشيخ تبكي وتلطم خدها
ردتي يالعازمي لاتذيب ولا تذاب...اسم ابومتعب عليها وعينك لدها

ايه غير نيتك من خطاها للصواب = وافتح ابوابك وهات السوالف ودها

احمد الله كنت مابين ضرس وبين ناب = والعشيه طامعٍ فالجبال اتهدها

نيتي يابيه تبعد عن العين الضباب...والحموله كان صعبت عليك تعداها
اكثر المخلوق له ناب وضروس ولعاب...والفروق تبين حين المزوح وجدها

البيت الاول فيه خلل فالشطر الثاني يامنيف لكن الظاهر انه غلطه مطبعيه



دامك بنيه سليمه تقدم لاتهاب = وانتظر لين الحموله عليك انشدها

البشر ماهي سوى والسما غير التراب = وانت مثل المنقره بالشجاعه والدها

اسف طال عمرك واعتبرها كذا بلهجتكم .......والحموله كان صعبت علاك اتعداها



اثرك بنيه تخم اللواحق والزهاب ...خاب ضني فيك الالغاز مانت بندها
ارضكم تحت السماء والرخم غير العقاب...وبومناحي كم جموع غفيره صدها

كيف صوت الببغا طال بعد القاف شاب = واختلط بيض النوايا مع مسودها

مانذمه مير قل ويش ودا ويش جاب = والسيوف الحدب حذرى تعارض حدها

طاب قلبي منك يالعازمي والقاف طاب...وانت تقراء مير الايات ما جودها
لاذكرت منيف لد النظر فوق السحاب...والريال الرده الساريه في مهدها

صحت السنتكم حضور رائع يعطيكم العافيه

قفل الابواب يامنيف عنا باب باب = والقرايه من كتابتك ماشددها

الريال ايصير رده لعلك بالذهاب = اترك الساحه ورح للتكاسي كدها

صحت السنتكم حضور رائع يعطيكم العافيه




صح بدنك ياحمود


والاروع تشريفك للمتصفح

صح لسانك يالشاعر حمود.

قيس العازمي صح لسانك استمتعت بالمحاور معك.